Фатографку з Мінска асудзілі за «садзейнічанне экстрэмісцкай дзейнасці»
38‑гадовай Злаце Скобнікавай далі хатнюю хімію.
Злата Скобнікава нарадзілася ў 1988 годзе ў Мінску. У 2008 годзе яна скончыла Архітэктурна-будаўнічы каледж па спецыяльнасці «тэхнік-архітэктар» і працавала ў БелНДІПгорадабудаўніцтва.
Вядома, што ў Златы ёсць муж і сын. Пасля выхаду з дэкрэту жанчына ўсур'ёз занялася фатаграфіяй: прайшла шэраг прафесійных курсаў, здымала партрэты, сем'і і вяселлі ў стылі fine art.
Злату затрымалі сёлета і, мяркуючы па перапынку ў анлайне, да суда пратрымалі ў СІЗА каля чатырох месяцаў.
Скобнікаву судзілі ў Мінскім гарадскім судзе па ч. 1 і ч. 2 арт. 361‑4 КК («садзейнічанне экстрэмісцкай дзейнасці»). Дакладныя акалічнасці крымінальнай справы невядомыя.
Злаце Скобнікавай прысудзілі хатнюю хімію.
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
«Наша Нiва» — бастыён беларушчыны
ПАДТРЫМАЦЬУ Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру
Рэдактарку дзяржаўнага выдавецтва асудзілі за «садзейнічанне экстрэмісцкай дзейнасці»
25‑гадовага каардынатара IT-праектаў па вяртанні з Польшчы асудзілі за «садзейнічанне экстрэмізму»
Каментары
Ганьба гэтаму судзілішчу над чарговай годнай Беларускай!
Дзякуй, што пішаце. За лічбамі статыстыкі заўсёды схаваныя Асобы, пра якіх варта памятаць і фіксаваць факты пераследу.
З аналізам статыстыцы павялічвання Спісу "экстрэмістаў".
студзень 2026 — 77
люты 2026 — 127
сакавік 2026 — 95
красавік 2026 — 130
май 2026 — 72
чэрвень 2026 — 95
ліпень 2026 — 66
жнівень 2026, першая палова — 8
З чаго былі высновы пра змяншэнне колькасці судоў.
Працяг:
жнівень 2026, другая палова — 17 (жнівень 2026, усяго - 25)
верасень 2026, першая палова - 71
Мяркую, ўсё ж не ўлічылі, не пачулі відавочную версію пра летні перыяд водпускаў у карнай сістэме.
І дадатковае назіранне. Ад тыкток-увагі, за ўспышкамі навін хаваецца сапраўдны ход працэсаў. Выхватываем цікавае, фрагменты: "нібыта рэпрэсіі пачалі закончвацца", а працяг ужо нібыта не такі важны, "проста" вяртанне да руціны рэпрэсій.
Дакладны час затрымання фатографкі не ўказаны, толькі прыкладна. Значыць, недзе ў сярэдзіне вясны яшчэ шукалі па "Гаюну".