Свет44

Украінец прызнаў віну ў вандалізме ў дачыненні да мячэцяў у Лондане. Яго вербаваў расіянін

Яго мог завербаваць расіянін, які стаіць за падпаламі маёмасці Кіра Стармера.

Ілля Білык, фота паліцыі Лондана

21‑гадовы ўкраінец Ілля Білык у чацвер прызнаў у лонданскім судзе віну ў пяці выпадках вандалізму ў дачыненні да мячэцяў і будынкаў мусульманскіх арганізацый у Лондане. Білыка мог завочна, праз Telegram, завербаваць той жа чалавек, звязаны з расійскімі ўладамі, або тая ж арганізацыя, якія замовілі падпалы маёмасці, звязанай з былым прэм’ер-міністрам Кірам Стармерам, піша Бі-бі-сі.

23 студзеня 2025 года Білык нанёс абразлівыя графіці на будынак Ісламскай асацыяцыі ў Стратфардзе, мячэць Аль-Бір і мячэць Джаміа ў Лэйтане на ўсходзе Лондана. Праз два дні ён нанёс графіці на пачатковую школу Нур-уль-Іслам і Ісламскі савет шарыяту.

Бі-бі-сі стала вядома, што Білык сказаў паліцыі, што заданне нанесці графіці ён атрымаў ад рускамоўнага карыстальніка ў Telegram. Білык заявіў, што рускамоўны чалавек указаў яму, дзе трэба нанесці графіці, і заплаціў яму пасля выканання задання.

У чэрвені лонданскі суд адправіў у турму за падпалы дамоў і аўтамабіля, звязаных з тагачасным прэм’ер-міністрам Кірам Стармерам, 22‑гадовага грамадзяніна Украіны Рамана Лаўрыновіча і 27‑гадовага грамадзяніна Румыніі ўкраінскага паходжання Станіслава Карпюка.

Расследаванне, праведзенае Бі-бі-сі і арганізацыяй Hope not Hate, выявіла, што за падпаламі стаяла Расія.

Паводле высноў расследавання, Лаўрыновіча і Карпюка завербаваў за грошы праз Telegram карыстальнік з ініцыяламі EL. Паводле ўдзельнікаў расследавання, гэта мог быць расійскі дыпламат Яўген Люкшын, які дыстанцыйна арганізоўваў маштабную кампанію сабатажу і правакацый праз сацыяльныя сеткі і Telegram.

Паводле высноў расследавання, EL даручыў Лаўрыновічу нанесці ісламафобскія графіці на сцены мячэці; ён жа актыўна ўдзельнічаў у адміністраванні канала фэйкавай ультраправай групоўкі Direct Action UK, створанай і кіраванай супрацоўнікамі расійскіх спецслужбаў для правакавання актаў вандалізму на брытанскіх вуліцах.

У студзені 2025 года, калі Білык нанёс графіці ў вызначаных яму месцах, іх фатаграфіі былі апублікаваныя ў Telegram-канале Direct Action, а EL праз некалькі гадзін пасля гэтага размясціў ва ўкраінскай групе пошуку вакансій у Брытаніі просьбу дасылаць фатаграфіі гэтых месцаў.

Прысуд Білыку будзе вынесены 19 кастрычніка ў магістратскім судзе Стратфарда.

Галоўны суперінтэндант лонданскай паліцыі Рона Хант заявіла: «Мы прызнаём, што гэтыя інцыдэнты прычынілі значныя пакуты мусульманскім супольнасцям ва ўсходнім Лондане летась і працягваюць выклікаць занепакоенасць».

«Злачынствы на глебе нянавісці да мусульман і ісламафобія абсалютна недапушчальныя ў Лондане. Мы поўныя рашучасці змагацца са злачынствамі на глебе нянавісці, адначасова падтрымліваючы і супакойваючы нашы супольнасці», — дадала Рона Хант.

Каментары4

  • čoms
    18.09.2026
    Ілью на радзіме зачакаліся у ваенкамаце!
  • Хмм
    18.09.2026
    [Рэд. выдалена]
  • Крывадушны свет
    18.09.2026
    Зараз з гэтага паскудніка яшчэ і ахвяру зробяць, бо кіраваў ім кляты рускамоўны маскаль, бо любы ўкраінец па замоўчванні чалавек харошы, а любы рускі - дрэнны.

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця7

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць