Флавіу Балсанару абыходзіць Лулу да Сілву на выбарах прэзідэнта Бразіліі
Учора ў Бразіліі прайшоў першы тур прэзідэнцкіх выбараў. Праз два тыдні адбудзецца яшчэ адзін тур.
Дзейны прэзідэнт Бразіліі Луіс Інасіу Лула да Сілва саступае сенатару Флавіу Балсанару ў першым туры прэзідэнцкіх выбараў, вынікае з даных Вышэйшага выбарчага суда краіны (TSE).
Пасля апрацоўкі вынікаў з 98,65% выбарчых участкаў Балсанару набірае 47,27% галасоў, Лула — 44,88%.
За Балсанару прагаласавалі больш за 55 млн чалавек, за дзейнага прэзідэнта — каля 53 млн. Розніца складае крыху больш за 2 млн галасоў.
Хутчэй за ўсё будзе другі тур 25 кастрычніка. Для перамогі ў першым туры кандыдат павінен атрымаць больш за 50% сапраўдных галасоў — без уліку пустых і несапраўдных бюлетэняў.
Прадстаўнік левых сілаў Лулу да Сілву быў прэзідэнтам краіны ў 2001‑2011 гадах і зараз у яго з 2019 года трэці тэрмін.
Флавіу Балсанару прадстаўляе правыя партыі. Ён сын Жаіру Балсанару, які быў прэзідэнтам краіны ў 2019‑2023 гадах і цяпер асуджаны на 27 гадоў за спробу дзяржперавароту.
Ранейшыя сацапытанні давалі невялікі перавес Лулу да Сілве, за якога галасуюць бяднейшыя слаі грамадства і пераважна поўнач і паўночны ўсход краіны. Іншыя кандыдаты набралі менш за пяць працэнтаў.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
Весело там у них... Напрашивается вопрос, можно ли выбрать не клоуна, но это за рамками нашей дискуссии.