«Некаторыя рэчы ўжо адбыліся». У Таццяны Заміроўскай выходзіць новы зборнік апавяданняў
Беларуская пісьменніца Таццяна Заміроўская паведаміла пра выхад сваёй новай кнігі.
Зборнік апавяданняў пад назвай «Некаторыя рэчы ўжо адбыліся» («Некоторые вещи уже произошли») стаў рэфлексіяй над апошнімі пяццю гадамі жыцця аўтаркі — з 2020 па 2024 год, піша Reform.news.
Афармленне кнігі мае сваю гісторыю: вокладку аздобіла карціна «Памылковая формула» мастака і панк-музыканта Васіля Пачыцкага, які памёр у 2024 годзе.
«Гэта кніга-справаздача пра тое, што адбылося. Яна не магла быць іншай, яна не магла здарыцца па-іншаму. Некаторыя рэчы ўжо адбыліся — і гэта кніга таксама такая рэч… Я б вельмі хацела, каб яна знайшла таго самога чытача, якому ад яе стане трошкі лягчэй і які з некаторай парадаксальнай пост-апакаліптычнай палёгкай зразумее, што ён не адзін», — адзначыла пісьменніца ў сваіх сацсетках.
У кнізе Заміроўская даследуе, як вялікія і асабістыя катастрофы ўплываюць на мову, ідэнтычнасць і псіхіку. У зборнік увайшлі апавяданні з сусвету яе рамана «Смерці.net», тэксты для міжнародных арт-праектаў (у прыватнасці, для праектаў MMoma, Mumok Museum Wien і іншых інстытуцый), «шмат амерыканскіх апавяданняў», «шмат беларускіх», а таксама гісторыі з працягам.
Напрыклад, па апавяданні «Менавіта тым, чым падаецца» разам з рэжысёркай Дар’яй Жук ужо напісаны сцэнарый для фільма, а тэкст «Я могу поговорить с живым человеком?» дасць назву будучай англамоўнай кнізе аўтаркі.
Кніга выйшла ў «Выдавецтве Алены Шубінай». Шматмоўнае апавяданне з беларускамоўнымі фрагментамі захавалі ў арыгінальным выглядзе.
Выданне ўжо можна набыць у крамах Варшавы (Bukinistka), Латвіі (kniga.lv), ЗША (Kvartirabooks) і нават у Беларусі (на oz.by).
Таццяна Заміроўская — беларуская пісьменніца, журналістка, музычны крытык. Аўтарка зборнікаў «Жыццё без шуму і болю», «Зямля выпадковых лікаў», «Вараб’іная рака», рамана «Смерці.net», а таксама апошніх прац — «Свечы Апакаліпсісу» і зборніка эсэ «Эўрыдыка, правер, ці выключыла ты газ». Ужо больш за дзесяць гадоў жыве і працуе ў Нью-Ёрку
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
У кнігарні ў Нью-Ёрку будзе палічка з беларускімі кнігамі
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек2
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
[Зрэдагавана]
Дарэчы, Васіль Пачыцкі адна з тых асоб музыкі і мастацтва Беларусі, якая атрымала незаслужана дастаткова ўвагі пры жыцці. У публічнай інтэрнэт-прасторы - тое, што шукаюць пашукавікі, больш усяго інфармацыі ўжо толькі ў некралогах.
[Зрэдагавана]