Грамадства6161

Дзяржбяспека Літвы: «Наш дом» Карач штучна стварае ўмовы, каб беларусы, што не адпавядаюць крытэрыям міжнароднай абароны, атрымлівалі ВНЖ у Літве

Міністр унутраных спраў Літвы Марцінас Кацялінас звернецца ў праваахоўныя органы, каб тыя ацанілі дзейнасць Вольгі Карач і яе арганізацыі. Суд можа разгледзець і пытанне ліквідацыі «Нашага дома».

Вольга Карач. Фота: commons.wikimedia.org / Boelnorra

Паводле ацэнкі Дэпартамента дзяржаўнай бяспекі (ДДБ) Літвы, грамадская ўстанова «Наш дом» («Mūsų namai»), якую ўзначальвае Вольга Карач, стварае спрыяльныя ўмовы для таго, каб у Літву траплялі і легалізаваліся асобы, якія супрацоўнічаюць са спецслужбамі варожых краін.

Пра гэта гаворыцца ў заяве, якую 19 кастрычніка апублікавала Міністэрства ўнутраных спраў Літвы.

ДДБ апісвае механізм так: улады Беларусі прызналі «Наш дом» экстрэмісцкай арганізацыяй, і менавіта праз гэты статус штучна ствараюцца абставіны, каб звязаныя з арганізацыяй беларусы, якія не адпавядаюць крытэрыям міжнароднай абароны, атрымлівалі дазволы на жыхарства ў Літве.

Паводле ДДБ, такая схема спрыяе злоўжыванню правам на міжнародную абарону.

Фактычна гаворка ідзе пра тое, што любы беларус, які нават не мае палітычнага пераследу на радзіме, можа паўдзельнічаць у мітынгу ў Вільні са сцягам «Нашага дома», а пасля падаць дакументы на атрыманне палітычнага прытулку ў Літве — з аргументам, што цяпер яму пагражае крымінальны пераслед за супрацоўніцтва з «Нашым домам». І літоўская дзяржава павінна браць такіх людзей пад ахову, выдаючы ім бестэрміновы пастаянны дазвол на жыхарства.

Саму Карач літоўскія спецслужбы лічыць пагрозай дзяржаўнай бяспецы. Паводле ацэнкі сілавікоў, яна актыўна распаўсюджвае ў сацыяльных сетках інфармацыю, якая адпавядае наратывам расейскай прапаганды: дыскрэдытуе Літву, прымяншае падтрымку Украіны і распальвае недавер да літоўскіх дзяржаўных інстытутаў. ДДБ таксама сцвярджае, што ў 2015—2019 гадах Карач супрацоўнічала з расійскімі спецслужбамі.

Аднак выслаць Карач з Літвы не могуць, бо высылка ў Беларусь пагражала б яе бяспецы. Паводле закона, такім замежнікам, якіх нельга выслаць, выдаецца дазвол на жыхарства на тэрмін да аднаго года, які дае і права працаваць.

«Сітуацыя і абсурдная: нашы выведвальныя інстытуцыі канстатуюць, што канкрэтная асоба стварае пагрозу нацыянальнай бяспецы, але выслаць яе не дазваляе міжнароднае права, таму дзяржава сама мусіць выдаць такой асобе дазвол тут жыць і працаваць. Больш за тое, за выдачу такога дазволу плаціць не сама асоба, чыя дзейнасць шкодзіць нашай дзяржаве, а літоўскія падаткаплатнікі», — заявіў міністр унутраных спраў Літвы Марцінас Кацялінас.

Марцінас Кацялінас. Фота: vrm.lrv.lt

Кацялінас абвясціў шэраг крокаў. Ён звернецца ў адпаведныя органы, каб тыя далі юрыдычную ацэнку дзейнасці Карач і «Нашага дома», якая, паводле міністэрства, супярэчыць інтарэсам нацыянальнай бяспекі Літвы. Будзе ацэнена, якія меры можна прыняць у дачыненні да юрыдычных асоб, звязаных з асобамі, што ствараюць пагрозу нацыянальнай бяспецы. Калі для гэтага будуць прадугледжаныя законам падставы, суд можа вырашыць і пытанне ліквідацыі юрыдычнай асобы.

Дэпартамент міграцыі павінен праверыць, ці няма ў Карач і падобных персанажаў грамадзянства іншых краін, права жыць у іншых дзяржавах або іншых законных магчымасцяў выехаць у бяспечную трэцюю краіну.

Паводле міністэрства, юрыдычна высылка ў бяспечную трэцюю краіну магчымая, аднак для прымусовай высылкі патрэбныя прававая падстава і дзяржава, якая пагодзіцца такую асобу прыняць.

«Літва — не тое месца, дзе можна злоўжываць прававой абаронай і яшчэ шкодзіць бяспецы нашай дзяржавы. Калі мы не можам выслаць асобу, якая дзейнічае супраць нашай дзяржавы, гэта не значыць, што мы павінны ствараць ёй умовы і ўсе магчымасці тут жыць. Наша дзяржава не бяссільная і такой быць не можа», — заявіў Кацялінас.

Чытайце таксама: 

«Можна атрымліваць грошы пад барацьбу за правы трансгендараў, можна — супраць іх». Вольга Карач — пра жыццё ў Вільні, хваробы і даходы

Хто такая Вольга Карач, якая хоча падсядзець Ціханоўскую?

Каментары61

  • барадзед
    19.10.2026
    нарэшце
  • бамжыхарка
    19.10.2026
    назва цікавая «Наш дом» («Mūsų namai»).. наш - гэта чый? і дзе?
  • Нет дыма...
    19.10.2026
    Понятно, сначала Карач, авось следок покажется. Однако,для полноты эксперимента необходим шмон, как минимум двух-трех, иначе будет выглядеть, как заказ.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць19

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць19

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць