11‑гадовая дзяўчынка вынесла з дому 45 тысяч рублёў, каб «выратаваць» маму
Дзяўчынка паверыла незнаёмцу, які назваўся супрацоўнікам фінансавай міліцыі і заявіў, што яе маці пагражае крымінальная справа, а грошы трэба тэрмінова перадаць кур’еру.
У пачатку кастрычніка да 49‑гадовай мінчанкі прыйшлі супрацоўнікі міліцыі і паведамілі, што яна стала ахвярай падману: у яе скралі 45 тысяч рублёў. Са слоў жанчыны, яна праверыла сховішча і выявіла, што ашчадку няма. У гэты момант яе 11‑гадовая дачка прызналася, што аддала грошы незнаёмцам.
З дзіцем у месенджары звязаўся невядомы. Ён назваўся супрацоўнікам фінансавай міліцыі і заявіў, што маці дзяўчынкі падазраецца ва ўчыненні злачынства. Адзіны спосаб дапамагчы ёй — неадкладна перадаць усе грошы кур’еру. Школьніца выканала патрабаванні, не падазраючы, што аддае грошы злачынцам.
Кур’ерам быў 19‑гадовы студэнт, якога ашуканцы таксама падманулі. Напярэдадні з ім звязалася «супрацоўніца БелДІЭ» і паведаміла, што ад яго імя дзейнічаюць зламыснікі: нібыта яны атрымалі доступ да яго даных, адкрылі рахунак і спрабуюць перавесці грошы за мяжу.
Пасля гэтага да размовы далучыўся лжэсілавік. Ён папярэдзіў мінчаніна, што па факце махлярства справу перададуць у Следчы камітэт і, каб даказаць сваю невінаватасць, хлопцу неабходна задэклараваць наяўныя ў яго фінансы.
Калі высветлілася, што ў студэнта няма грошай, яму далі «спецыяльнае заданне»: прыехаць па адрасе, які назаве куратар, забраць там грошы, пасля чаго адправіцца ў Маскву і перадаць іх чалавеку каля ўвахода ў метро, назваўшы кодавае слова.
Выканаўшы патрабаванні, малады чалавек вырашыў праверыць інфармацыю ў інтэрнэце і прачытаў, што, хутчэй за ўсё, стаў удзельнікам ашуканскай схемы. Пасля гэтага ён звярнуўся ў міліцыю.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
В Польше до 13 лет никаких меседжеров
А где же ещё! :)))