Культура77

Памерла Таццяна Прановіч — выкладчыца журфака БДУ і дачка Івана Чыгрынава

Таццяне Прановіч было 67 гадоў. У 2020 годзе яна падтрымала пратэсты.

Памерла дачка пісьменніка Івана Чыгрынава — выкладчыка журфака БДУ Таццяна Прановіч. Ёй было 67 гадоў.

У 1976‑1981 гадах вучылася ў БДУ. З 1984 года працавала старшым выкладчыкам кафедры замежнай журналістыкі і літаратуры Інстытута журналістыкі БДУ. Яе захапленнем была антычная літаратура.

«Самая першая нататка была фактычна прадыктаваная мне маім бацькам. Мы паехалі з ім у Вязынку на народнае свята паэзіі. Я і сама магла б апісаць свае ўражанні, але таты заўсёды думаюць, што зробяць гэта лепш. Таму мая першая публікацыя мела сваю спецыфіку», — згадвала яна ў адным з інтэрв'ю.

«Я вельмі хацела працаваць у журналістыцы, — казала Прановіч. — Таму, калі мая аднакурсніца Алена Філіпчык у 1994 годзе стварыла газету «Пераходны ўзрост», я з задавальненнем прыйшла туды. Спачатку працавала стыль-рэдактарам, а ў 1998 годзе стала намеснікам рэдактара. … Але ведаеце, «Пераходны ўзрост» даў мне ўсё, чаго мне не хапала. Я прыходзіла на першы курс журфака: са 150 студэнтаў 100 ужо ведалі мяне як намесніка рэдактара «Пераходнага ўзросту». У той час я адчувала, як кіпіць кацёл маладосці, і сама ў ім варыліся».

У 2020 годзе Таццяна Прановіч падтрымала пратэсты.

Праз некалькі гадоў выкладчыца пакінула журфак.

«На адным са студэнцкіх капуснікаў я спяваў «Вочы чорныя» з прысвячэннем Таццяне Іванаўне Прановіч. На капусніках нам дазваляліся вольнасці. На словах «Как люблю я вас, как боюсь я вас» зала выбухнула смехам. Таццяна Іванаўна таксама смяялася. Мы яе вельмі любілі — за фантастычныя лекцыі, калі яна выходзіла ў цэнтр аўдыторыі, шырока расстаўляла рукі, дэкламавала вершы», — успамінае ў фэйсбуку Дзмітрый Нікановіч.

«І было вельмі важна адчуваць, што ў 2020 годзе мы з Таццянай Іванаўнай на адным баку.«У меня украли голос, у меня украли подпись» — словы, якія завірусіліся з аднаго відэа з пратэстаў ва ўнутраным дворыку БДУ. І было прыемна пазнаць Таццяну Іванаўну, якая прамаўляла гэтыя словы з годнасцю і сваёй шыкоўнай лектарскай падачай.Пасля яе здароўе моцна пагоршылася. Таццяна Іванаўна хадзіла з палачкай, працавала, калі не памыляюся, ужо на палову стаўкі, пераважна з кітайскімі студэнтамі.Не забуду, як у 2021 годзе на святкаванні 100‑годдзя БДУ мы прыйшлі ў залу на ўрачыстасць, а Таццяне Іванаўне так і не ўручылі юбілейнага знака. Гэта было так красамоўна подла», — расказвае Дзмітрый Нікановіч.

Настасся Занько ў фэйсбуку ўспамінае, як у 2020‑м яна глядзела стрым з марша пенсіянераў. «І бачу — Таццяна Іванаўна там. Да яе падыходзяць вядучыя стрыму, яна пагаджаецца пагаварыць і кажа нешта накшталт таго, што ўдзельнчіае ў маршы, бо не хоча пакідаць унукам такую краіну, што хоча паправіць усе тыя памылкі, якія дапусціла іх пакаленне. Светлая памяць вам, Таццяна Іванаўна… Вельмі шкада, што вы не дажылі да моманту Новай Беларусі», — піша Занько.

Каментары7

  • Ад удзячнага студэнта
    23.10.2026
    Спачуваю. Дзякуй за вашую сумленнасць, Таццяна Іванаўна
  • Былая студэнтка
    23.10.2026
    Эх, Таццяна Іванаўна… Вельмі шкада! Я памятаю, як мы з ёй хадзілі ў тэатр - на “Забыць Герастрата” па-беларуску. У тэатр лялек таксама хадзілі. Цікава, яна ўсім курсам казала, што з кожным годам студэнты ўсё менш ведаюць?
    У 18 год радавалася, калі скончылася замежная літаратура ў яе. А цяпер успамінаю з цяплом. І нават хачу перачытаць “Іліяду”. А нядаўна ў падарожжы хадзіла па афінскім Акропалі і ўспамінала лекцыі Таццяны Іванаўны.
  • былая студэнтка куратарскай групы
    23.10.2026
    Тактоўная, далікатная, закаханая ў літаратуру і, галоўнае, заўсёды паважлівая да сваіх студэнтаў.
    Да кожнага звярталася па імені і імені па бацьку (што для журфака вялікая рэдкасць), за кожнага перажывала і кожнага памятала. Дзякуй вам за ўсё, Таццяна Іванаўна.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць