Трохдзённая жалоба абвешчаная ў Іспаніі па ахвярах чыгуначнай катастрофы пад Таледа
Учорашняя катастрофа забрала жыцці 68 чалавек.
У Іспаніі ў чацвер, 29 кастрычніка, пачалася трохдзённая жалоба пасля сутыкнення двух цягнікоў каля станцыі ў населеным пункце Урда (цэнтральная правінцыя Таледа, аўтаномная супольнасць Кастылія — Ла-Манча). У выніку трагедыі загінулі 68 чалавек, больш за 100 атрымалі раненні, піша DW.
На дзяржаўных будынках прыспушчаныя сцягі, масавыя мерапрыемствы адмененыя або будуць праводзіцца ў абмежаваным фармаце на знак павагі да памяці ахвяр.
Ноччу ратавальнікі з дапамогай цяжкай тэхнікі і кранаў разбіралі абломкі на чыгуначнай лініі паміж Мадрыдам і горадам Севілья на поўдні краіны. На світанні над месцам аварыі кружылі паліцэйскія дроны.
Паліцыя арганізавала чатыры пункты для здачы ўзораў ДНК
Адна са школ ва Урда, прыкладна за 130 кіламетраў на поўдзень ад Мадрыда, служыць пунктам, куды могуць звярнуцца сваякі, каб атрымаць інфармацыю пра сваіх блізкіх. Групы супрацоўнікаў Міжнароднага камітэта Чырвонага Крыжа аказвалі падтрымку людзям, якія прыбывалі на месца. Хасэ Мігель Фернандэс, парафіяльны святар з Урды, далучыўся да экстранных службаў, каб падтрымаць сем’і загінулых.
Паліцыя арганізавала ў Мадрыдзе, Таледа, Кордаве і Севільі чатыры пункты, дзе сваякі могуць здаць узоры ДНК, каб дапамагчы ў ідэнтыфікацыі зніклых без вестак.
Акрамя таго, у Кастыліі — Ла-Манчы і Мадрыдзе адкрылі цэнтры здачы крыві.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну87
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары