Музыка

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»

Прафесійнае журы аддала перамогу ў конкурсе «Наша пакаленне» прадстаўніку Арменіі, а Беларусь яно паставіла на трэцяе месяца. Але дзякуючы галасам гледачоў перамога дасталася Марго Зінгман. Зрэшты, конкурс быў спецыфічны, бо тут дазвалялася галасаваць за сваю краіну.

Марго Зінгман. Скрыншот відэа

Міжнародны дзіцячы песенны конкурс «Наша пакаленне» з'явіўся ў 2023 годзе як альтэрнатыва дзіцячаму «Еўрабачанню». Ініцыятыва сыходзіла ад Расіі, якой праз напад на Украіну забаранілі ўдзельнічаць у прэстыжным тэлевізійным конкурсе (як дарослым, так і дзіцячым).

Сёлета конкурс «Наша пакаленне» прайшоў чацвёрты раз у Ташкенце — удзел у ім прынялі 18 краін. Беларусь прадстаўляла 12‑гадовая дачка Аляксандра Зінгмана.

Бацька Марго — бізнэсмен Аляксандр Зінгман, які займаецца праектамі ў Афрыцы разам з Сяргеем Шэйманам, сынам Віктара Шэймана. Зінгман некалі быў бенефіцыярам бізнэсу па здабычы золата ў Зімбабвэ. У 2021‑м Зінгман правёў некалькі дзён за кратамі ў Конга — яго арыштавалі па падазрэнні ў пастаўках зброі, але вызвалілі.

У сваім інстаграме Марго Зінгман прызналася, што дзеля падрыхтоўкі да конкурсу зусім перастала наведваць школу. Конкурсную песню «Я трымаю далонямі святло» для школьніцы напісаў вядомы расійскі прадзюсар і кампазітар Максім Фадзееў.

Па выніках галасавання прафесійнага журы найбольшую колькасць балаў набраў прадстаўнік Арменіі, а Марго ж была толькі на трэцім месцы. Але пасля агучвання вынікаў галасавання гледачоў сітуацыя змянілася і перамога дасталася Зінгман.

У выніку ў Беларусі набраліся 572 балы, у Арменіі — 566, а ў Мадагаскара — 562. На апошнім месцы апынуўся Кітай са 195 баламі.

Трэба адзначыць, што галасаванне гледачоў адбывалася выключна праз сайт конкурсу. І, у адрозненне ад «Еўрабачання», тут дазвалялася галасаваць і за сваю краіну.

Скрыншоты відэа. Якасць палепшана ШІ

Кар'ера дачкі беларускага бізнэсмена ідзе ў гару ашаламляльнымі тэмпамі. І, відавочна, бацькі ўкладаюць у гэта салідныя сумы грошай.

Марго абдымаецца з Ігарам Крутым, радуецца лайкам ад Лепса ды спявае разам з Максімам Фадзеевым, які бясконца захапляецца яе талентам.

Летась дзяўчынка засвяцілася на тэлевізійных шоу — расійскім «Голас. Дзеці» і беларускім дзіцячым «Фактар.бай» (у апошнім дайшла да суперфіналу і трапіла ў топ-5 найлепшых спевакоў). Яна таксама паўдзельнічала ў расійскай «Дзіцячай Новай Хвалі», дзе ўзяла другую прэмію.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва59

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць