У фільме «Хросны Бацька» не заўважылі некалькіх прынцыповых момантаў. Піша Уладзімір Падгол.
У фільме «Хросны Бацька» не заўважылі некалькіх прынцыповых момантаў. Піша Уладзімір Падгол.
Тыя, хто ўважліва глядзеў фільм, адзначылі кароткія кадры, дзе паказвалі былога старшыню КДБ Мацкевіча і былога генпракурора Бажэлку.
Калі вобраз Лукашэнкі ў фільме насычаны адмоўнымі якасцямі, то Мацкевіч і Бажэлка маюць станоўчую характарыстыку. Яны сталі на шляху злачынцаў, і Лукашэнка іх адправіў у адстаўку. Адзіныя, хто паспрабаваў пакараць злачынцаў, — гэта Мацкевіч і Бажэлка. Калі зыходзіць з нашай сітуацыі, нехта такі, як яны, і ёсць патэнцыйным чалавекам, на якога Масква можа зрабіць стаўку ці на выбарах, ці пасля, калі паўторыцца кіргізскі варыянт. Мне могуць запярэчыць: у фільме паказалі Лябедзьку, Статкевіча, Ярашука, Казуліна. Так. Але іх паказалі ці ахвярамі (Статкевіч, Казулін), ці экспертамі (Лябедзька, Ярашук).
Другая тэма і, бадай, галоўная — пашырэнне дыяпазону сродкаў
Галоўнае абвінавачанне на адрас Лукашэнкі ў фільме — датычнасць да арганізацыі забойстваў апанентаў. І вось працяг тэмы жыцця і смерці ў СМІ.«Комсомольская правда» піша, што «фільм жорсткі. Лукашэнка ў ім паказаны хітрым і нават жорсткім чалавекам, які фізічна распраўляецца са сваімі апанентамі. Пасля такіх сцэнаў альбо ідуць страляцца пад сцягам, альбо згараюць ад сораму».
Тэму працягвае акадэмік Рубінаў у «Советской Белоруссии», у абарончым артыкуле.
«Пуціна ў крэсла прэзідэнта „за ручку“ прывёў Ельцын. Мядзведзева таксама за ручку прывёў Пуцін. Ніхто з іх… не заваяваў свой аўтарытэт у адкрытай палітычнай барацьбе з канкурэнтамі…Калі Пуцін прыйшоў да ўлады, Лукашэнка, які меў агромністы аўтарытэт і папулярнасць у расійскім асяроддзі, уяўляў для яго пэўную небяспеку. …Справы ў Беларусі хуткімі тэмпамі ідуць угару. … Чаго добрага, і расійскі народ захоча пайсці па такім шляху. А тады — бывай, улада… Гэтага нельга дапусціць ні ў якім разе. Бо гэта пытанне жыцця і смерці для ўлады і тых, хто мае грошы». Недвухсэнсоўна Рубінаў піша пра смяротную небяспеку, якую нясе палітычная кар’ера Лукашэнкі для ўладароў Крамля.
А ў такіх выпадках бывае наступнае: ці яны — яго, ці ён — іх.
Нагадаю пра лёс генерала Лебедзя. Прэзідэнцкая кампанія зрабіла яго ўлюбёнцам мільёнаў. Верталёт з Лебедзем, які пасля выбараў узляцеў у крэсла губернатара далёкага ад Масквы края, нечакана бразнуўся аб зямлю, і сёння памяць пра яго расцярушылася.
На маю думку, фільм НТВ і рэакцыя на яго сведчаць, што сёння тая зямная перспектыва для гаспадара Беларусі павялічылася на 100 адсоткаў. Гэта новая платформа Крамля ў дачыненні да Лукашэнкі.
-
«Вы ведаеце, што большасць беларусаў лічаць вас нікчэмнымі халуямі?»
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
Цяпер чытаюць
Сёння Мінск прачнуўся ўначы ад гучнага гука, падобнага да дрона9
Каментары