Някляеў кажа, што ў яго ініцыятыўную групу запісалася больш за 2 тысячы чалавек,
23 верасня, у перадапошні дзень рэгістрацыі ініцыятыўных груп патэнцыйных кандыдатаў на ўдзел у прэзідэнцкіх выбарах, свае дакументы ў ЦВК збіраюцца падаваць тры апазіцыйныя палітыкі: Алесь Міхалевіч, Уладзімір Някляеў і Яраслаў Раманчук.
У адрозненне ад іншых апазіцыйных прэтэндэнтаў на ўдзел у прэзідэнцкай гонцы лідэр кампаніі "Гавары праўду" Уладзімір Някляеў загадзя вызначыўся з канкрэтным часам свайго прыходу ў Цэнтрвыбаркам – 10:30. Астатнія кажуць, што вызначацца цягам дня.
Уладзімір Някляеў кажа, што ў ягоную ініцыятыўную групу запісалася больш за 2 тысячы чалавек, і толькі палова зь якіх удзельнічае ў руху «Гавары праўду», іншыя далучыліся ў апошнія дні.
Паводле нашай інфармацыі, гэта пераважна сябры Сацыял-дэмакратычнай партыі Анатоля Ляўковіча і партыі «Справядлівы свет» (былыя камуністы) Сяргея Калякіна.
Афіцыйнай інфармацыі пра тое, калі будзе падаваць свой спіс ініцыятыўнай групы А.Лукашэнка няма, кіраўнік яго прэс-службы Павел Лёгкі нічога наконт гэтага паведаміць не змог.
Каментары