У камісіях па выбарах прэзідэнта акрэдытавана 66 назіральнікаў
40 назіральнікаў было вылучана грамадскімі аб’яднаннямі, 16 — грамадзянамі шляхам падачы заяў, 6 — працоўнымі калектывамі, 4 — палітычнымі партыямі.
З грамадскіх аб’яднанняў найбольш актыўна вылучае назіральнікаў РГА «Белая Русь» — 12 чалавек, БРСМ і Беларускі саюз жанчын — па шэсць.
Камуністычная партыя Беларусі вылучыла трох назіральнікаў, Партыя БНФ — аднаго.
Гэтыя назіральнікі акрэдытаваныя пры тэрытарыяльных камісіях. Усяго іх было ўтворана 155, у тым ліку 118 раённых, 24 раённых у гарадах, шэсць раённых у гарадах абласнога падначалення (Орша, Барысаў, Пінск, Полацк, Наваполацк, Жодзіна), шэсць абласных і Мінская гарадская.
Вылучэнне назіральнікаў у гэтыя камісіі працягваецца.
У сярэдзіне кастрычніка, пасля ўтварэння ўчасткаў для галасавання, пачнецца вылучэнне прадстаўнікоў ва ўчастковыя камісіі. Цалкам яны будуць створаны за 45 дзён да выбараў, не пазней за 3 лістапада.
Цяпер чытаюць
Мабільным аператарам забаранілі заганяць беларусаў у вялікі мінус7
Каментары