Самая шматлікая апазіцыйная партыя Польшчы «Права і справядлівасць» выступае за аднаўленне санкцый у дачыненні рэжыму Аляксандра Лукашэнкі.
«ПіС» падрыхтавала праект рэзалюцыі, якую сейм Польшчы можа разгледзець ужо ў бліжэйшы час.
«Памятаючы пра традыцыі польскай барацьбы за дэмакратыю і правы чалавека сойм Польшчы асуджае фальсіфікацыю вынікаў снежаньскіх прэзідэнцкіх выбараў у Беларусі і факт здзяйснення палітычных рэпрэсіяў рэжымам Аляксандра Лукашэнкі», — вядзецца ў праекце рэзалюцыі.
Аўтары дакумента падкрэсліваюць, што ў Беларусі былі арыштаваныя каля 700 чалавек, у тым ліку і апазіцыйныя кандыдаты на пасаду прэзідэнта. Аўтары адзначаюць, што «з затрыманымі жорстка абыходзіліся, білі і абражалі арыштаваных, трымалі ў нечалавечых умовах, асуджалі на пазбаўленне волі метадамі, якія не маюць нічога агульнага з нормамі закона».
Сойм Польшчы «заклікае Міністэрства замежных спраў ўвесці дыпламатычныя санкцыі ў дачыненні рэжыму Лукашэнкі, захоўваючы пры гэтым прынцып супрацоўніцтва грамадскасці Польшчы і Беларусі». У праекце рэзалюцыі таксама змяшчаецца заклік да ўладаў Беларусі адпусціць усіх апазіцыянераў.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай6
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары