Рашэнне аб закрыцці офіса АБСЕ ў Мінску з’яўляецца канчатковым, заявіўпрэс-сакратар беларускага МЗС Андрэй Савіных 17 лютага на брыфінгу, адказваючы на пытанне аб магчымасці перагляду такога рашэння.
«Беларускі бок прыняў сваё рашэнне і пра гэта паведаміў нашым партнёрам па АБСЕ», — сказаў прадстаўнік МЗС.
Нагадаем, Парламенцкая асамблея АБСЕ на зімовай сесіі 24–25 лютага ў Вене (Аўстрыя) абмяркуе сітуацыю з закрыццём офіса АБСЕ ў Мінску.
«Улічваючы вялікую цікавасць парламентарыяў да падзей у Беларусі ў снежні мінулага года і цяперашняй сітуацыі, гэтае пытанне будзе абмяркоўвацца», — паведамілі у
Нагадаем, 31 снежня прадстаўнік Беларусі пры міжнародных арганізацыях у Вене Аляксандр Сычоў праінфармаваў членаў Пастаяннага савета АБСЕ аб рашэнні Беларусі закрыць офіс АБСЕ ў Мінску.
Свае дзеянні беларускі бок матываваў «адсутнасцю аб’ектыўных падстаў для захавання місіі АБСЕ ў Беларусі». Пры гэтым у Мінску заявілі аб гатоўнасці працягваць узаемадзеянне з інстытутамі АБСЕ па ўсіх кірунках дзейнасці арганізацыі.
Місія АБСЕ працавала ў Беларусі з 1998 года. Рашэнне закрыць офіс аналітыкі звязваюць з тым, што назіральнікі ад АБСЕ прызналі мінулыя прэзідэнцкія выбары ў Беларусі не адпавядаючымі стандартам АБСЕ.
Краіны Захаду заклікалі беларускія ўлады перагледзець рашэнне аб закрыцці офіса АБСЕ. Вярхоўны прадстаўнік ЕС па знешніх сувязях Кэтрын Эштан і дзяржсакратар ЗША Хілары Клінтан выступілі з сумеснай заявай, у якой сказана: «Як паказвае крытычная ацэнка АБСЕ мінулых прэзідэнцкіх выбараў, выкананне мандата місіі не завершана. Выбары і іх наступствы, у прыватнасці ўтрыманне пад вартай кандыдатаў у прэзідэнты, а тажсама новыя затрыманні і вобыскі ў СМІ, з’яўляюцца крокам назад у развіцці дэмакратычнага кіравання ў Беларусі».
Каментары