Упершыню за два месяцы з Дзмітрыем Бандарэнкам сустрэўся яго адвакат
Упершыню за два месяцы з Дзмітрыем Бандарэнкам, даверанай асобайэкс-кандыдата ў прэзідэнты Андрэя Саннікава, сустрэўся яго адвакат Мар’яна Сямешка.
Як паведаміла БелаПАН жонка Бандарэнкі Вольга, адвакат не бачыла свайго падабароннага з 29 снежня мінулага года. «3 сакавіка яна з ім сустрэлася на допыце. Сказала мне, што ён трымаўся бадзёра, хоць схуднеў», — паведаміла Вольга Бандарэнка.
З апошняга ліста Дзмітрыя яго жонка даведалася, што ў яго праблемы са здароўем. «У яго праблемы са страўнікам, са спінай. Але адвакату ён ні на што не скардзіўся, ён наогул з тых, хто не скардзіцца», — дадала Вольга.
Паводле слоў жонкі палітыка, пасля прызнанняў Алеся Міхалевіча пра катаванні ў КДБ яна «чакала горшага».
Стала таксама вядома, што на 4 сакавіка прызначаны чарговы допыт Аляксандра Фядуты, які падчас выбарчай кампаніі быў даверанай асобай кандыдата ў прэзідэнты Уладзіміра Някляева.
Бандарэнка і Фядута абвінавачваюцца ў арганізацыі і ўдзеле ў масавых беспарадках у Мінску вечарам 19 снежня. Паводле артыкула 293 Крымінальнага кодэкса ім пагражае да 15 гадоў пазбаўлення волі.
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
-
«Паша, я табе не веру». Севярынец расказаў, як выпадковая дзяўчына матывавала яго назаўсёды перайсці на беларускую мову
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары