У яго на дачы знайшлі схованку з выкрадзенымі каштоўнасцямі.
Гэта ахоўнік ігравой установы ў Маладзечне. У яго на дачы знайшлі схованку з выкрадзенымі каштоўнасцямі.
Сталічнай міліцыяй устаноўленыя ўжо два падазраваныя па справе аб буйным крадзяжы з мінскага Цэнтральнага ўніверсальнага магазіна, які быў учынены ў ноч з 2 на 3 красавіка.
Як паведамілі ў аддзеле інфармацыі і грамадскіх сувязяў ГУУС Мінгарвыканкама, у затрыманых канфіскавана больш як тры тысячы ювелірных вырабаў на суму звыш 600 мільёнаў рублёў.
Спачатку позна вечарам 3 красавіка ў Маладзечне быў затрыманы 26-гадовы раней судзімы мясцовы жыхар. Ён не спрабаваў адхрысціцца ад крадзяжу ў сталічным універмагу і, апісваючы падрабязнасці, паведаміў аб учыненым злачынстве. Аднак стаў выкручвацца, калі пытанні тычыліся буйной партыі выкрадзеных каштоўнасцяў.
Затым міліцыянеры выйшлі на сябра затрыманага — ахоўніка аднаго з ігравых устаноў у Маладзечне.
Менавіта ў яго на дачы 4 красавіка быў знойдзены тайнік з часткай выкрадзенага.Пра астатнія два тайнікі гаспадар дачы паведаміў ужо сам з надзеяй на змякчэнне пакарання.
Следчым аддзелам папярэдняга расследавання Савецкага РУУС Мінска ў дачыненні да падазраванага ва ўчыненні крадзяжу распачата справа на падставе часткі 4 артыкула 205 КК (крадзеж у асабліва буйным памеры). Вырашаецца пытанне аб распачынанні крымінальнай справы па арт. 236 (набыццё або збыт матэрыяльных каштоўнасцяў, заведама здабытых злачынным шляхам) у дачыненні да яго хаўрусніка.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары