Пра гэта гаворыцца ў заяве Нацыянальнай каардынацыйнай рады дэмакратычнай апазыцыі Беларусі.
Пра гэта гаворыцца ў заяве «Аб умовах удзелу дэмакратычных сілаў Беларусі ў выбарчых кампаніях». Яна прынятая 11 красавіка Нацыянальнай каардынацыйнай радай дэмакратычнай апазыцыі Беларусі.
Прадстаўнікі дэмакратычных сілаў Беларусі канстатуюць, што прэзыдэнцкія выбары 2010 году прайшлі са шматлікімі парушэньнямі і фальсыфікацыямі, а ўлада, «сфарміраваная ў выніку так званых выбараў», ня мае легітымнасьці.
«Татальныя рэпрэсіі, пачатыя 19 сьнежня, нясуць пагрозу грамадзтву і самому існаваньню Беларусі як незалежнай дзяржавы. Існуючы рэжым загнаў сябе ў эканамічны і геапалітычны тупік, зрабіў закладнікамі сваёй безадказнай палітыкі ўсё грамадзтва і краіну», — адзначаецца ў дакумэнце.
Каардынацыйная рада дэмсілаў патрабуе, каб народу Беларусі было вернута права фармаваць уладу ў сваёй краіне праз свабодныя, дэмакратычныя і справядлівыя выбары.
«Гэта стане магчымым толькі ў выпадку вызваленьня ўсіх палітычных зьняволеных, спыненьня перасьледу і рэпрэсій, забесьпячэньня канстытуцыйных правоў грамадзян на свабоду слова, сходаў і асацыяцый, унясеньня істотных зьменаў у заканадаўства і практыку правядзеньня выбараў», — гаворыцца ў заяве.
Пакуль гэтыя ўмовы ня будуць выкананыя, дэмакратычная апазыцыя Беларусі пакідае за сабой права праводзіць кампанію байкоту любых выбарчых кампаній.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары