Гэтым выступленнем музыка распачне тур па гарадах Беларусі.
Гэтым выступленнем музыка распачне тур па гарадах Беларусі.
Сп. Вольскі адзначыў, што едзе ў Гродна, дзе даўно не выступаў «з прыўзнятым настроем». Наконт сённяшняга канцэрта заўважыў што ён будзе складацца з двух актаў: у першым зайграе «Белую яблыню грому», а ў другім — «шмат іншых цікавостак».
Наступны канцэрт Лявона Вольскага адбудзецца 28 красавіка ў Брэсце. Пасля гэтых двух выступленняў павінны з’явіцца і даты наступных у іншых гарадах краіны.
«Белая яблыня грому» — праграма Лявона Вольскага на вершы айчынных паэтаў: Чачота, Міцкевіча, Багушэвіча, Багдановіча, Купалы, Коласа, Броўкі, Танка, Куляшова, Геніюш, Панчанкі, Барадуліна. Акрамя гэтага прагучаць і новыя песні.
Канцэрты ў абласных гарадах пройдуць пасля забароны выступленняў Лявона Вольскага і «Крамбамбулі» ў Мінску.
Гродна, 25 красавіка (панядзелак). Канцэртная зала філармоніі (вул. Гарнавых, 17). Пачатак а 19.00. Квіткі ў касах філармоніі. Тэл. для даведак 8 (0152) 527248, 527151.
Брэст, 28 красавіка (чацвер). Брэсцкі абласны грамадска-культурны цэнтр (вул. Камуністычная, 1). Пачатак а 19.00. Квіткі ў касах філармоніі. Тэл. для даведак 8 (0162) 95-93-01, 23-21-50; 8 (029) 313-21-50.
Каментары