Берасцейка Ксенія Аксюцік удзельнічае ў расійскім «Голасе» і блізка падабралася да перамогі. Днямі яна праспявала на сцэне праекта песню «О нём» Ірыны Дубцовай — і трапіла ў паўфінал.
Ксеніі 26 гадоў, яна нарадзілася і вырасла ў Брэсце. Дзяўчына расказвае ў сацсетках, што выступае на сцэне ўжо больш за 10 гадоў. У 2022‑м яна пераехала з Брэста ў Мінск і цяпер будуе сваю кар’еру ў сталіцы, у тым жа годзе Ксенія выйшла замуж.
Дзяўчына — былая вакалістка гурта Muzzart Band, а таксама салістка сімфанічнага аркестра Classic Energy — выглядае, таксама ўжо былая. Той аркестр некалі быў здольны сабраць тысячы слухачоў у «Мінск-Арэне», але ж больш за год яго інстаграм не абнаўляецца, а сайт праекта ўвогуле больш не існуе.
Ксенія фанацее ад «Голаса» яшчэ з 12‑13 гадоў, калі спявала на аматарскім узроўні ў гуртках, і вось цяпер вырашыла паўдзельнічаць у шоу. На сляпыя праслухоўванні яна прыйшла з песняй Highway to Hell ад рок-гурта AC/DC, атрымала «так» ад чатырох настаўнікаў і пайшла ў каманду да Уладзіміра Праснякова.
Далей дзяўчына спявала Dancing Queen ад ABBA і савецкі шлягер «Звяніць студзеньская завіруха». У чвэрцьфінале Ксенія выступіла з песняй «О нём» ад расійскай спявачкі Ірыны Дубцовай і прайшла ў паўфінал, дзе выступіць праз некалькі дзён.
Аксюцік — не адзіная беларуска, якая ўдзельнічае ў гэтым сезоне «Голаса». У чвэрцьфінале з праекта вылецела 18‑гадовая магіляўчанка Злата Барздова. Яшчэ менш у «Голасе» пратрымаўся Яўген Вярэніч. Вярэніч, якому цяпер 32 гады, нарадзіўся ў Лунінцы, атрымаў адукацыю настаўніка музыкі і спяваў у вялікім сімфанічным аркестры, але цяпер працуе ў Маскве на мясакамбінаце.
«Наша Нiва» — бастыён беларушчыны
ПАДТРЫМАЦЬЦяпер чытаюць
Пачобут паразважаў, ад чаго залежыць будучыня Беларусі1
Каментары