Следчым аддзелам пракуратуры Мінска распачатая справа за замах на забойства (ч. 1 арт. 14 і ч. 1 арт. 139 КК) у дачыненні да.28-гадовага працоўнага ААТ «Керамін»
Як расказаў БелаПАН старэйшы памочнік пракурора Мінска Сяргей Балашоў, раніцай 13 чэрвеня мужчына ў форменнай вопратцы работніка «Кераміна»
пракраўся ў адміністрацыйны блок фірмовай крамы прадпрыемства на вуліцы Сярова, прайшоў у кабінет загадчыцы і, нічога не кажучы, нанёс ёй нажом удар у шыю. Пакінуўшы нож у ране, пайшоў, сеў у спадарожную машыну і з’ехаў.Затрымаць падазраванага атрымалася па прыкметах праз некалькі гадзін у горадзе. Ён заключаны пад варту і змешчаны ў рэспубліканскую клінічную псіхіятрычную лякарню ў Навінках.
Жанчыне — кіроўцу машыны, у якой мужчына ўцёк з месца злачынства, пасля затрымання ён заяўляў, што яму загадана забіваць жанчын. Як адзначыў Сяргей Балашоў, акрамя псіхічнага нездароўя падазраванага правяраюцца і іншыя версіі і матывы ўчынення злачынства.
Каментары