«Уралкалій» лічыць куплю «Беларуськалія» малаімавернай, і крэдыт на мільярд таксама
Расійская кампанія «Уралкалій» лічыць ААТ «Беларуськалій» цікавым актывам з пункту гледжання ўгоды па зліцці і паглынанні, але ў найбліжэйшай перспектыве верагоднасць ажыццяўлення такой здзелкі малая.
Пра гэта заявіў 28 чэрвеня генеральны дырэктар «Уралкалія» Уладзіслаў Баўмгертнер на XV штогадовай канферэнцыі інвестараў у Маскве.
«Беларуськалій» для нас цікавы з пункту гледжання здзелкі па зліцці і паглынанні, у нас ужо ёсць вопыт)досвед) партнёрства з гэтай кампаніяй», — цытуе Баўмгертнера РІА Новости. Аднак зараз «Уралкалій» не вядзе ніякіх перамоў аб здзелкі ні з «Беларуськаліем», ні з беларускім урадам.
Нагадаем, 10 чэрвеня на нарадзе па пытаннях развіцця «Беларуськалія» Аляксандр Лукашэнка заявіў: «Ніхто нікому за бясцэнак „Беларуськалій“ не аддасць». Ён таксама не выключыў, што з 1 ліпеня сума ў 30 млрд долараў, у якую беларускія эксперты ацанілі гэтае ААТ, будзе індэксавацца з улікам інфляцыі долара. Паводле слоў Лукашэнкі, «пара купцоў» ужо заявілі пра гатоўнасць заплаціць такую суму.
Адначасова Баўмгертнер заявіў, што і выдача «Уралкаліем» Беларусі крэдыту на мільярд даляраў таксама малаімаверная. «Сэнс здзелкі ўжо не такі актуальны і для беларускага боку, і для нас», — дадаў ён.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску26
Каментары