Пра гэта Башар Асад заявіў генеральнаму сакратару ААН Пан Гі Муну.
Прэзідэнт Сірыі Башар Асад паведаміў генеральнаму сакратару ААН Пан Гі Муну, што сірыйская армія спыніла сілавыя аперацыі супраць удзельнікаў антыўрадавых дэманстрацый.
Як паведаміў афіцыйны прадстаўнік Аб’яднаных Нацый, у тэлефоннай размове з Асадам генеральны сакратар ААН запатрабаваў, каб «усе ваенныя дзеянні і масавыя арышты неадкладна спыніліся».
З сакавіка гэтага года, калі ў Сірыі пачаліся масавыя антыўрадавыя выступы, сілы бяспекі забілі сотні дэманстрантаў. У тым ліку для падаўлення пратэстаў прымяняецца цяжкая тэхніка і нават артылерыя, усталяваная на ваенных караблях.
Апошняя па часе буйная аперацыя супраць дэманстрантаў была праведзена ў партовым горадзе Латакія. У выніку абстрэлу сірыйскіх ВМФ і дзеянняў ваенных некалькі чалавек былі забітыя, каля 5 тыс. палестынскіх бежанцаў былі вымушаныя пакінуць свае лагеры.
Дзеянні сірыйскага рэжыму супраць дэманстрантаў выклікалі рэзкую рэакцыю міжнароднай супольнасці.
Сваіх паслоў з Дамаска адклікалі ўрада Саудаўскай Аравіі, Бахрэйна і Кувейта. Міністр замежных спраў Турцыі назваў сілавое падаўленне акцый пратэсту недапушчальным.
ЗША ў сваю чаргу ўвялі супраць Сірыі санкцыі і заклікалі іншыя краіны рушыць услед іх прыкладу.
У адказ на падзеі ў краіне прэзідэнт Сірыі Башар Асад паабяцаў правесці палітычныя рэформы, аднак падкрэсліў, што яго ўрад працягне пераслед «тэрарыстычных груп», якія ён абвінавачвае ў арганізацыі дэманстрацый.
Атрымаць дакладную інфармацыю аб тым, што адбываецца ў Сірыі немагчыма, паколькі ўлады краіны жорстка абмяжоўваюць працу замежных журналістаў.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай36
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары