Вытворчасць нафтапрадуктаў у Беларусі за студзень-жнівень у параўнанні з аналагічным перыядам 2010 года павялічылася на 22,3% і склала 32,8 трлн рублёў, паведамілі ў Нацыянальным статыстычным камітэце.
Пры гэтым у жніўні 2011-га ў параўнанні са жніўнем мінулага года выпуск нафтапрадуктаў узрос на 20,2% да 5,9 трлн.
За восем месяцаў выпуск топачнага мазуту павялічыўся на 25 працэнтаў да 3 539,3 тыс.т, вытворчасць дызельнага паліва вырасла на 23,1% і склала 4130,9 тыс.т, аўтамабільнага бензіну - на 1% да 1901,9 тыс. т. Выпуск змазачных масел зменшыўся на 0,6% да 88,6 тыс.т.
Вытворчасць топачнага мазуту ў жніўні павялічылася на 32,8% і склала 466,1 тыс.т, дызельнага паліва - вырасла на 12,2% да 515 тыс.т, аўтамабільнага бензіну - на 8,9% да 257,6 тыс.т. Выпуск змазачных масел зменшыўся на 16,1% да 10,9 тыс.т.
Запасы асноўных відаў нафтапрадуктаў на 1 верасня 2011 года складалі ад 0,8% сярэднямесячнага аб'ёму вытворчасці па аўтамабільнаму бензіну (1,1 тыс.т) да 90,1% па змазачных маслах (10 тыс.т).
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары