Дэпутатка Бундэстагу Марылуіза Бэк адрэагавала на апошнія змены ў беларускім заканадаўстве.
З гэткімі словамі дэпутатка Бундэстагу Марылюіза Бэк зьвярнулася да Міжнароднай фэдэрацыі па хакеі з шайбай (IIHF). Падставай для заявы сталі апошнія зьмены ў беларускім заканадаўстве, «мэта якіх — падаўленьне грамадзянскай супольнасьці і апазыцыі».
«Прынятыя кішэнным парлямэнтам у рэжыме сакрэтнасьці папраўкі аб палітычных партыях і грамадзкіх аб’яднаньнях, а таксама прапанаваныя папраўкі аб КДБ нарэшце паказваюць сапраўдны твар дыктатара Лукашэнкі, — гаворыцца ў заяве. — У Беларусі і дагэтуль меўся перасьлед пратэстаў грамадзкасьці ды аказваўся ціск на грамадзянскую супольнасьць, у КДБ ужывалі катаваньні супраць дысыдэнтаў, а ў краіне зьнікалі апанэнты рэжыму. Цяпер жа парушэньні дэмакратыі і правоў чалавека легітымізаваныя.
Беларусь, такім чынам, разьвіталася зь міжнароднай супольнасьцю. Дыктатар Лукашэнка даў зразумець, наколькі ён у часы сур’ёзнага эканамічнага крызісу баіцца магчымых пратэстаў насельніцтва.
Краіна, якая адкрыта топча нагамі дэмакратыю і правы чалавека, ня можа быць гаспадыняй чэмпіянату сьвету па хакеі ў 2014 годзе. Мы заклікаем Міжнародную фэдэрацыю хакею, каб гэтае ўсясьветнае першынства не праходзіла ў Беларусі».
Цяпер чытаюць
Лукашэнка нервова пракаментаваў візіт Ціханоўскай у Кіеў15
Каментары