Прашу залічыць мяне ў тэрытарыяльныя войскі і выдаць снайперскую вінтоўку, а лепш гранатамёт
Гамяльчук Уладзімір Няпомняшчых звярнуўся да новаспечанага генерал-губернатара.
10 лістапада жыхар Гомеля, пенсіянер МУС Уладзімір Няпомняшчых звярнуўся з заявай да старшыні Гомельскага аблвыканкама,генерал-маёра ,генерал-губернатара Уладзіміра Дворніка з просьбай залічыць яго ў тэрытарыяльныя войскі.
Як паведаміў БелаПАН заяўнік, у сваім звароце ён цытуе прэзідэнта Беларусі і на падставе слоў кіраўніка дзяржавы просіць прадаставіць яму магчымасць удзельнічаць у абароне тэрыторыі Беларусі.
«Я слухаў палымяную прамову прэзідэнта аб стварэнні тэрытарыяльных войскаў, вельмі натхніўся ёю, і ўсё прамову заканспектаваў.
Прэзідэнт гаварыў, што, цытую: трэба падрыхтаваць насельніцтва, каб у патрэбны момант узялі хто аўтамат, хто кулямёт, прыйдзецца ваяваць, мы, мужыкі, павінны абараняць свой дом, трэба памерці, значыць, памрэм першымі. Я гатовы служыць нават радавым. Я раней быў прадпрымальнікам, дакладней, „ушывай блыхой“, сабраў капітал, які захоўваю ў „Беларусбанку“, і, як гаварыў прэзідэнт, мне ёсць што губляць.
Канешне, паміраць першым я не маю намеру, ёсць больш дастойныя», — піша ў заяве пенсіянер МУС.
У звароце ён таксама выказвае гатоўнасць узяць у рукі зброю і просіць выдаць яму снайперскую вінтоўку, «а лепш гранатамёт».
«І паверце, яны ніколі сюды не сунуцца: ніякія казлы, адмарозкі, пятая калона. Колькі ўжо можна здзекавацца са шматпакутнага беларускага народа? А то, глядзі, як расперазаліся
— разарвалі ўжывую лепшага сябра беларускага народа Муамара Кадафі. У стабільнай квітнеючай Беларусі мы такога не дапусцім», — запэўнівае кіраўніка вобласці Няпомняшчых.
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары