Карабінэры ў Генуі трапілі на сьлед 20‑гадовага румына, ува ўладаньні якога знаходзіцца 530 машынаў.
Італьянская паліцыя зацікавілася маладым чалавекам, калі падчас дарожнага кантролю ў розных мясцовасьцях практычна ў той самы час былі затрыманыя тры машыны, зарэгістраваныя на адно і тое ж прозьвішча.
Хутка высьветлілася, што ўладальнік іх не страхаваў і не плаціў за іх падаткаў. Да таго ж, калі пачалася дэталёвая праверка, румын зьнік бязь сьледу і да гэтага часу яго не адшукалі.
Паліцыя мяркуе, што румын прадаваў машыны сваім землякам, якія нелегальна знаходзяцца ў Італіі. Гэткія зьдзелкі ён праводзіў, канешне ж, бяз «лішняй бюракратыі» – без удзелу дзяржаўнай казны і г.д. Аднак сьпярша яму ж трэба было неяк набыць машыны і зарэгістраваць іх на сябе, і яшчэ невядома, чаму чалавек, якому належыць больш за паўтысячы машынаў, так доўга не зьвяртаў на сябе ўвагі адпаведных службаў.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары