Лукашэнкаўцы спрабуюць дыскрэдытаваць магілёўскага рабочага праз БТ
«Панарама» выдала сюжэт пра магілёўскага муляра, які «ледзь не пакінуў без працы 15 супрацоўнікаў «Прамжылбуда».
Нагадаем, на знак салідарнасці з Аляксеем Паўлоўскім, якому прадпрыемства не пажадала падаўжаць кантракт, 15 чалавек з яго брыгады напісалі заявы на скасаванне кантрактаў.
БТ паказала, што нібыта подпісы Паўлоўскі збіраў падманам і
зрабіў ён «вельмі несумленна», бо мог пакінуць 15 сем’яў без хлеба і сродкаў да існавання.Акрамя таго, карэспандэнт адзначае, што адпрацаваў муляр у брыгадзе ўсяго два дня, і называе сітуацыю «анекдатычнай». Самі ж «падманутыя муляры» называюць сітуацыю «правакацыяй».
Цікава, ці было б карэспандэнту да анекдотаў, калі б збіраліся звольніць яго? Ці разумее ён, што акцыя салідарнасці хутчэй справакавала б «Прамжылбуд» на аднаўленне кантракту з Аляксеем Паўлоўскім, чым на звальненне ўсёй брыгады? Ці разважаў увогуле журналіст, навошта сыходзячыму муляру пазбаўляць працы 15 астатніх?
Прыёмы, аналагічныя, як у сітуацыі з Паўлоўскім, выкарыстоўваў і савецкі КДБ.
Нагадаем, што амаль адначасова лідара мікашэвіцкіх рабочых кіроўцу Алега Стахаевіча пазбавілі правоў, а з віцебскімі будаўнікамі, якія надумалі перайсці ў незалежны прафсаюз, «пагутарылі», у выніку чаго яны «перадумалі».
-
Наста Рагатко расказала пра «тупыя ўстаноўкі», ад якіх ёй прыйшлося адмовіцца пры продажы сваёй кнігі
-
«Здзелка згарэла». Аўтар кнігі «Аўтарытарызм пад пагрозай» пералічыў падставы для аптымізму наконт будучыні Беларусі
-
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Каментары