Раскосмас прапанаваў расстрэльваць астэроіды з іонных гармат
Раскосмас прапанаваў пашырыць спосабы ўздзеяння на патэнцыйна небяспечныя для Зямлі астэроіды і каметы.
Намеснік кіраўніка ведамства Віталь Давыдаў адзначыў, што існуе неабходнасць стварэння і адпрацоўкі ў космасе розных сродкаў уздзеяння на патэнцыйна небяспечныя нябесныя целы. Давыдаў заявіў, што гэта можа быць магутнае імпульснае і слабое доўгачасовае ўздзеянне.
У якасці магчымых спосабаў уздзеяння на небяспечныя нябесныя целы разглядаюць тэрмаядзерны выбух у непасрэднай блізкасці да аб'екта або на яго паверхні, уздзеянне на паверхню астэроідаў або камет лазерным выпраменьваннем, іоннай ці электроннай гарматай альбо гравітацыйным прыцягненнем блізка размешчанага штучнага аб'екта.
Паводле словаў Давыдава, для патэнцыйна небяспечных астэроідаў неабходна таксама планаваць даследчыя місіі. Іх мэтай стане ўдакладненне памераў і характарыстык арбіт нябесных целаў, вызначэнне іх складу, змена траекторый аб'ектаў.
Намеснік кіраўніка Раскосмаса адзначыў, што
згаданыя сродкі ўздзеяння могуць успрымацца іншымі краінамі як сродкі двайнога прызначэння.«Таму іх стварэнне ў асобных краінах у рамках нацыянальных праектаў з высокай імавернасцю здольнае прывесці да далейшага росту напружанасці, да эскалацыі гонкі ўзбраенняў у космасе", - лічыць Давыдаў.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Каментары