Іван Карамазаў — увасабленне сілаў зла. Ён практычна забівае свайго бацьку і канчае вар’яцтвам.
Падчас свайго звароту да парламента і народа Аляксандр Лукашэнка працытаваў словы расійскага пісьменніка Фёдара Дастаеўскага. «Няма для чалавека нічога больш невыноснага за свабоду». «Геніяльны пісьменнік меў рацыю — атрымліваючы свабоду, чалавек разумее, што ўзваліў на сябе цяжкую ношу: свабода прадугледжвае адказнасць, чалавек сам прымае рашэнні і сам за іх адказвае», — засцерагаў ён.
Што могуць азначаць гэтыя словы з вуснаў Лукашэнкі? І ці вы згодныя, што беларусы не гатовыя да свабоды?
Святлана Алексіевіч, пісьменніца: Гэта азначае, што ён павінен дазаваць свабоду. Маўляў, народ не варты яе. Так мог сказаць толькі турэмшчык альбо наглядчык. Вы не вартыя, бо я вас прыручыў, я вам усё даю. А самі вы не можаце прымаць рашэнні. Гэтыя словы дэманструюць непавагу да нацыі.
Аляксандр Кулінковіч, саліст гурту «Нейра Дзюбель»: Ён проста прачытаў прыгожую фразу, якую ўключыў у сваё выступленне. Не лічу, што ён сапраўды думае пра свабоду.
Уладзімір Някляеў, лідар кампаніі «Гавары праўду», паэт: Відавочна, што інтэрпрэтацыя Лукашэнкі (дакладней, тых, хто падкінуў яму гэтую фразу) зусім іншая. Гэта не тое, што меў на ўвазе Дастаеўскі.
Наталка Бабіна, пісьменніца: Гэта сумнеўнае цытаванне размовы паміж братамі Аляксеем і Іванам з «Братоў Карамазавых». А словы ўкладзены ў вусны апошняга. Як памятаем, Іван — герой неадназначны, ён вінаваты ў цэлым ланцугу кепскіх справаў і дзеянняў. Тыя, хто піша Лукашэнку прамовы, падставілі яго. Іван у рамане — у пэўным сэнсе ўвасабленне сілаў зла. Ён практычна забівае свайго бацьку і канчае вар’яцтвам. Вось такі чалавек гаворыць пра невыноснасць свабоды, але зусім не Дастаеўскі.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары