Тэлевядоўцу Дзмітрыю Шепелеву давялося здаць адбіткі пальцаў, калі ён мяняў пашпарт у сваёй роднай Беларусі.
— Я яго атрымаў. Але навіна для мяне не зусім прыемная. Тут не хочацца жартаваць. Гэта беларускія рэаліі, якія, напэўна, не варта і каментаваць, калі нічога не можаш змяніць. Атрымаў што хацеў. Чарговы раз пераканаўся, што я — грамадзянін Рэспублікі Беларусь, — расказаў Дзмітрый Шэпелеў Каці Асадчай ў эфіры праграмы «Свецкае жыццё», паведамляе ТСН. — Такая працэдура існуе ў Беларусі. І ўсе мужчыны абавязаныя гэта рабіць. Я не магу сказаць, што з гэтым згодны. Але калі б я адмовіўся, то ты б брала ў мяне інтэрв’ю ў беларускім СІЗА. Таму, мне падаецца, я ўсё ж зрабіў правільны выбар.
Калі б тэлевядоўца адмовіўся рабіць адбіткі пальцаў, яму б пагражала 15 сутак арышту.
Але разам з тым Шэпелеў прызнаўся, што не хацеў бы мяняць грамадзянства з беларускага на расійскае.
— Я вельмі ганаруся сваім грамадзянствам. У разумнай песні пяецца: «Я люблю краіну і ненавіджу дзяржаву». Гэта блізка да таго, што я думаю. Змяняць грамадзянства я не хачу. Мне рабілі прапанову прыняць расійскае грамадзянства, але я яе адхіліў і
На пытанне вядоўцы, ці прапаноўвалі яму ўкраінскае грамадзянства, Дзмітрый адзначыў: «Мне пакуль прапаноўвалі толькі Народнага артыста Украіны. Але я таксама адмовіўся. Я проста ў нейкі момант уявіў, што мы сустрэнемся з Юрыем Нікалаевым, і я яму, Народнаму артысту Расіі, скажу: «Я ж цяпер, Юрый Аляксандравіч, таксама, у свае 29, „народны“, і вырашыў гэтага не рабіць», — адзначыў тэлевядоўца, так і не сказаўшы, хто менавіта зрабіў яму такую прапанову.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1616
Каментары