Яго расійскі аналаг перасталі паказваць у Беларусі пасля дэманстрацыі «Звычайнага прэзідэнта» ў 2008 годзе.
Найбуйнейшы аператар кабельнага вяшчання Мінска МТІС 1 чэрвеня пачынае вяшчанне канала дакументальнага кіно «Мінск 24 ДОК».
«Гэта новы тэлеканал найлепшай дакументалістыкі сучаснасці. У эфіры канала фільмы, якія атрымалі ўзнагароды міжнародных фестываляў, праекты вядомых журналістаў, якім апладзіравалі найбуйнейшыя кіназалы свету і перадачы пра самае важнае сёння. Увазе гледача новага тэлеканала будуць прадстаўлены рубрыкі: злабадзённыя палітычныя і эканамічныя падзеі („Паліт“), экалогіі планеты („Эка“), сучаснае мастацтва („Арт“), запамінальныя гісторыі з чалавечага жыцця („Людзі“) і погляд замежных журналістаў на постсавецкую рэчаіснасць („Іно“)», — паведамляецца на сайце кампаніі.
Трансляцыя расійскага канала «24ДОК», на базе якога цяпер будзе створаны мінскі аналаг, была спыненая аператарам«Космас-ТБ» у маі 2008 года пасля дэманстрацыі фільма «Звычайны прэзідэнт» рэжысёра Юрыя Хашчавацкага.
Выглядае на тое, што ў першы час «Мінск 24 ДОК» будзе цалкам капіраваць расійскі канал. Прынамсі пра гэтага кажа аднолькавая праграма перадач абодвух тэлеканалаў. Напрыклад, на заўтра гэта серыялы "Расійская імперыя" і "Ад Масквы да Магадана", фільмы "9/11. Афганістан", "Сакрэтныя матэрыялы. Загадкі і парадоксы апошніх Рамановых" і іншыя.
Разам з тым, неўзабаве ў эфіры мусяць з’явіцца і праграмы айчыннай вытворчасці. Пра гэта «Нашай Ніве» паведамілі ў службе падтрымкі МТІС. У той жа час
выпуск навінных перадач уласнай вытворчасці пакуль не прадбачыцца.
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
-
Мінская мастачка кажа, што 10 гадоў таму ў яе забрала карціны куратарка выставы — і дагэтуль не вярнула. А сама эмігравала
-
Ультыматум Пуціну з лазні і абмеркаванне бургераў. Новыя пародыі на Лукашэнку рвуць інстаграм
Цяпер чытаюць
Лукашэнка: Абмяркоўваем з ЗША вызваленне палітвязняў9
Каментары