Справа з галоўным трэнерам зборнай па лёгкай атлетыцы застаецца цёмнай
Яго затрыманне не пацвярджаюць, але і не адмаўляюць.
Пра затрыманне намесніка старшыні Беларускай федэрацыі лёгкай атлетыкі, галоўнага трэнера нацыянальнай каманды Анатоля Бадуева на мінулым тыдні паведаміла газета «Прессбол». Па інфармацыі выдання,
яму нібаты інкрымінуецца прымус да давання хабару і нямэтавае выкарыстанне спонсарскіх сродкаў.
У КДБ гэтую інфармацыю па-ранейшаму не пацвярджаюць, але і не адмаўляюць.
«Без каментарыяў»,
— заявіў журналісту «НН» кіраўнік Цэнтра інфармацыі і грамадскіх сувязяў КДБ Аляксандр Антановіч. У Следчым камітэце адзначылі, што не займаюцца такой справай, а таму нічога не ведаюць.
Працоўны нумар Анатоля Бадуева не адказвае. У Беларускай федэрацыі лёгкай атлетыкі паведамілі, што на працы Бадуева няма. Але ніякіх каментарыяў не даюць, бо самі не атрымлівалі афіцыйных паведамленняў.
Па нашай інфармацыі, галоўнага трэнера разам з доктарам каманды сапраўды затрымлівалі, але праз нейкі час выпусцілі.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»21
Каментары