Міністр адукацыі: Добра б, каб прадаўцы ведалі замежныя мовы, а цырульнікі — псіхалогію
Міністр адукацыі Сяргей Маскевіч, адказваючы сёння на пытанні на прэс-канферэнцыі ў Мінску, заўважыў, што падымаць агульны ўзровень культуры ў краіне можна, калі людзі рабочых прафесій будуць атрымліваць добрую адукацыю.«Добра было б, каб прадавец ведаў замежную мову і мог на ёй гаварыць. Цырульнік -- ведаў псіхалогію. На жаль, сёння многія рабочыя прафесіі патрабуюць вышэйшай адукацыі. Прынамсі, калі мы кажам аб павышэнні культурнага ўзроўню ў грамадстве», -- заўважыў міністр.
Па словах міністра, агульны культурны ўзровень у краіне можна павысіць толькі, калі павысіцца культурны ўзровень працоўных.
«Студэнцкае асяроддзе фарміруе добрыя якасці і ў цэлым пазітыўна ўплывае на фарміраванне маладога чалавека. Галоўнае, каб расчаравання не было.
Калі ён ідзе атрымліваць прафесію тынкоўшчыка, ужо маючы дыплом гісторыка, - не бачу ў гэтым нічога дрэннага.Важна, каб гэта свядома было. Усё роўна гэты чалавек з вышэйшай адукацыяй будзе выгадна адрознівацца ад аднакласніка, які адразу пайшоў працаваць", -- мяркуе Маскевіч.
Як мяркуе міністр, дыплом ВНУ не азначае атрымання выдатнага працоўнага месца. "Многія думаюць, што атрымаўшы дыплом ВНУ, яны атрымліваюць нешта, што вось і адразу. За гэтым павінны быць веды, працавітасць", -- падкрэсліў ён.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары