Працягласць кансультацый кіргізскага пасла будзе залежаць ад пазіцыі беларускага боку.
Працягласць кансультацый кіргізскага пасла ў Беларусі будзе залежаць ад пазіцыі беларускага боку, заявіў журналістам 27 жніўня ў Мінску саветнік пасольства Кыргызстана Дзмітрый Лі.
Журналістаў сабралі для таго, каб растлумачыць сітуацыю вакол адсутнасці ў Беларусі пасла Кыргызстана Эрыка Асаналіева і супярэчлівыя паведамленні адносна яго адклікання на кансультацыі ў Бішкек, што з’явіліся ў СМІ.
«Каб пазбегнуць розных інтэрпрэтацый у гэтым пытанні я ўпаўнаважаны заявіць, што Асаналіеў адкліканы ў Бішкек для правядзення кансультацый у сувязі з сітуацыяй адносна знаходжання Жаныбека Бакіева на тэрыторыі Рэспублікі Беларусь», — сказаў саветнік.
Ён удакладніў, што пасол быў адкліканы 24 жніўня.
Паводле слоў Дзмітрыя Лі, такая мера прынята «ў сувязі з адсутнасцю рэакцыі кампетэнтных органаў беларускага боку на вербальную ноту ад 21 жніўня і заяву МЗС Кыргызстана ад 22 жніўня адносна знаходжання грамадзяніна Кыргызстана Жаныбека Бакіева на тэрыторыі Рэспублікі Беларусь, якога адшукваюць праваахоўныя органы Кыргызстана і Інтэрпол за ўчыненыя раней асабліва цяжкія крымінальныя злачынствы».
падкрэсліў саветнік пасольства.Кіргізскі бок спадзяецца на тое, што беларускія ўлады «
ўсё-такі прымуць вычарпальныя меры па неадкладным затрыманні і экстрадыцыі Жаныбека Бакіева ў Кыргызскую Рэспубліку ў межах дзейных міжнародных дагавораў, удзельнікамі якіх з’яўляюцца як Кыргызстан, гэтак і Беларусь»,
***
- Нагадаем, аб’яўлены ў міжнародны вышук Жаныш Бакіеў, брат скінутага прэзідэнта Курманбека Бакіева, нядаўна быў заўважаны і сфатаграфаваны ў цэнтры Мінска з яшчэ двума падазронымі ў трайным забойстве. Здымак зроблены відавочцамі каля кафэ «Грунвальд» на вуліцы Карла Маркса, непадалёк ад Адміністрацыі прэзідэнта Рэспублікі Беларусь.
- «На ім сфатаграфаваныя грамадзяне Кыргызскай Рэспублікі, аб’яўленыя ў міждзяржаўны вышук, — былы старшыня Службы дзяржаховы Жаныш Бакіеў, а таксама яго аднакурснік і
- Паводле звестак ГУКВ, усе трое з’яўляюцца асноўнымі падазронымі ў забойстве былога кіраўніка Адміністрацыі прэзідэнта Кыргызстана Медэта Садыркулава, яго вадзіцеля Кубата Сулайманава і дырэктара Міжнароднага інстытута стратэгічных даследаванняў Сяргея Слепчанкі. Паведамляецца таксама, што кіраўніцтва ГУКВ МУС «некалькі разоў накіроўвала запыт у праваахоўныя органы Беларусі аб месцазнаходжанні асоб, якія адшукваюцца, і кожны раз атрымлівала адказ, што звестак пра гэтых асоб няма».
- 22 жніўня МЗС Кыргызстана выказала неўразуменне і занепакоенасць у сувязі з публікацыямі ў сродках масавай інфармацыі фатаграфій Жаныбека Бакіева, што пацвярджаюць яго знаходжанне на тэрыторыі Беларусі.
- «Кампетэнтныя органы Кыргызскай Рэспублікі неаднаразова звярталіся ў дзяржаўныя органы Рэспублікі Беларусь з просьбай аб прыняцці мер па рэалізацыі абавязацельстваў, прынятых на сябе беларускім бокам згодна з Канвенцыяй аб прававой дапамозе і прававых адносінах па грамадзянскіх, сямейных і крымінальных справах і іншых міжнародных дагаворах», — гаварылася ў заяве МЗС.
- «На вялікі жаль, Генеральная пракуратура Рэспублікі Беларусь стала на шлях апраўдання Жаныбека Бакіева і кваліфікавала відавочныя крымінальныя злачынствы як „пераследы па прыкмеце палітычных перакананняў“. Кіргізскі бок занепакоены тым, што Ж.Бакіеў свабодна перамяшчаецца па тэрыторыі Рэспублікі Беларусь, якая з’яўляецца дружалюбнай краінай і ўдзельніцай вышэйзгаданай канвенцыі, а таксама іншых міжнародных дагавораў», — заявіла МЗС Кыргызстана.
- 24 жніўня
Каментары