Няякаснае мяса птушкі было выяўлена на тэрыторыі Маскоўскага раёна Мінска супрацоўнікамі падраздзяленняў па барацьбе з эканамічнымі злачынствамі ГУУС Мінгарвыканкама і Маскоўскага РУУС сумесна са спецыялістамі падатковай інспекцыі, а таксама цэнтра гігіены і эпідэміялогіі.
Як паведамілі ў ГУУС Мінгарвыканкама, пры праверцы гандлёвай кропкі аднаго з гандлёвых цэнтраў была знойдзена гатовая да рэалізацыі курыная прадукцыя з невядомым тэрмінам вырабу.
Мяса птушкі агульнай вагой больш як 240 кг было канфіскавана, а яе ўзоры адпраўлены на экспертызу.Па выніках даследаванняў Мінскі гарадскі цэнтр гігіены і эпідэміялогіі прызнаў кураціну няякаснай і непрыдатнай да ўжывання. Гэта мясная прадукцыя была канфіскавана, уладальнік гандлёвай кропкі і прадавец прыцягнутыя да адміністрацыйнай адказнасці (спагнаныя штрафы ў памеры 2,5 і 2 млн. рублёў адпаведна).
У далейшым супрацоўнікі міліцыі сумесна з супрацоўнікамі Цэнтра гігіены і эпідэміялогіі наведалі прыватнае прадпрыемства, якое паставіла няякасную партыю для рэалізацыі і на якім былі ўстаноўленыя грубыя парушэнні санітарных норм.Увогуле пры азнаямленні з працэсам перапрацоўкі і захоўвання курынага мяса спецыялісты налічылі 14 парушэнняў санітарных норм, правілаў і гігіенічных нарматываў.
Таму была накладзена забарона на рэалізацыю каля 400 кг знойдзенай на прадпрыемстве прадукцыі з мяса птушкі (у далейшым кураціна была перададзена на корм жывёле), праца самой вытворчасці прыпынена. Кіраўніцтва прадпрыемства прыцягнута да адміністрацыйнай адказнасці (спагнаны штраф у памеры 9 млн. рублёў), па выніках праверкі выдадзеныя прадпісанні па ліквідацыі прычын,
Каментары