«З трэнерам мы не ставілі нейкія медальныя планы, проста працавалі на вынік».
Пяціразовы чэмпіён Паралімпіяды ў Лондане18-гадовы беларускі плывец Ігар Бокій разглядае магчымасць пераходу ў звычайны спорт. Пра гэта спартсмен заявіў 12 верасня пасля вяртання ў Мінск.
«Так, я сапраўды падумваю пра выступленне ў звычайным спорце. Мне трэба для гэтага больш трэніравацца і поўнасцю аддавацца плаванню. Лічу, гэта рэальна. Чаму я задумваюся пра пераход у звычайны спорт? На мой погляд, не трэба спыняцца на дасягнутым», — сказаў атлет.
Бокій адзначыў, што паказаў у Лондане «максімальны вынік, на які быў гатовы». Паводле слоў плыўца, узровень паралімпійскіх спаборніцтваў па плаванні быў даволі высокі.
На Гульнях я змагаўся на кожнай дыстанцыі. На шчасце, атрымалася дамагчыся такога поспеху. Я не магу вылучыць нейкі адзін медаль, яны ўсе для мяне дарагія», — сказаў Бокій.«Прызнацца, не чакаў, што заваюю такую колькасць узнагарод. З трэнерам мы не ставілі нейкія медальныя планы, проста працавалі на вынік.
У СМІ Бокія пасля яго поспеху ў Лондане пачалі параўноўваць з легендарным амерыканскім плыўцом Майклам Фэлпсам.
Беларус у сувязі з гэтым адзначыў: «Вядома, прыемна такое параўнанне. Зараз будуць імкнуцца перасягнуць Фелпса».
На летніх Паралімпійскіх гульнях у Лондане беларускія спартсмены заваявалі 10 медалёў: пяць залатых, два сярэбраныя і тры бронзавыя.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары