У датэрміновым галасаванні «ўзялі ўдзел» 12,5%

У датэрміновым галасаванні на парламенцкіх выбарах 18–20 верасня прынялі ўдзел 12,5% выбаршчыкаў Беларусі ад іх спісачнага складу, паведаміў сакратар Цэнтрвыбаркама Мікалай Лазавік.

Найбольшая яўка выбаршчыкаў на датэрміновым галасаванні па-ранейшаму ў Віцебскай вобласці. Тут за тры дні прагаласавалі 14,7% выбаршчыкаў ад іх спісачнага складу.

Затым ідзе Магілёўская вобласць — 14,1%. У Гомельскай вобласці 12,8% тых, хто прагаласаваў датэрмінова, у Гродзенскай — 11,7%. У Брэсцкай — 11,4% выбаршчыкаў, у Мінскай вобласці — 10,9%.

У Мінску яўка выбаршчыкаў на ўчасткі за тры дні датэрміновага галасавання склала 11,8%.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ