У Беларусі не павінны адыходзіць ад ранейшай стратэгіі дзеянняў на валютным рынку. Аб гэтым заявіў Аляксандр Лукашэнка 24 верасня падчас рабочай сустрэчы са старшынёй праўлення Нацыянальнага банка Надзеяй Ермаковай.
«Як мы абяцалі, так і павінна ісці, каб нас ніхто не папракнуў.
Бо напярэдадні выбараў усякіх размоваў хапала. Хапае і цяпер, — адзначыў Аляксандр Лукашэнка. —
Вы разумееце, наша пятая калона [так Лукашэнка называе ўсіх, хто яго не падтрымлівае], перш за ўсё, праз СМІ працягвае нагнятаць становішча: маўляў, нешта тут павінна адбыцца. Нічога не павінна адбыцца. Прынамсі, мы павінны прытрымлівацца такога курсу, як абяцалі народу».
Лукашэнку паведамілі аб сітуацыі ў банкаўскай сістэме, на валютным і фінансавым рынках краіны. Надзея Ермакова паведаміла, што ў верасні ўзрос попыт насельніцтва на наяўную валюту. Але, па яе ацэнках, нягледзячы на гэта, сітуацыя кантраляваная.
«Валюты дастаткова для таго, каб задаволіць існуючы на яе попыт. Мы ў першую палову года скуплялі валюту і на біржы, і ў насельніцтва», — запэўніла Надзея Ермакова.
Яна пацвердзіла, што напярэдадні парламенцкіх выбараў у людзей часам сапраўды ўзнікалі розныя негатыўныя чаканні адносна сітуацыі на валютным рынку.
«Што тычыцца продажу валюты на біржы, то нейкай боязі мы не бачым. Золатавалютныя рэзервы ў нас збалансаваны, і на канец года мы выйдзем з двухмесячным запасам па імпарце», — сказала Надзея Ермакова.
Што тычыцца інфляцыі, то ў верасні яна не перавышае прагнозных значэнняў. Па выніках года чакаецца, што гэты паказчык складзецца ў межах 22%. Пры гэтым стаўка рэфінансавання можа знізіцца да 25–26%.
Цяпер чытаюць
З Міністэрства культуры звольнілі першага намесніка Маркава1
Каментары