Сёння, 5 кастрычніка, аўтар кнігі «Майстроўня. Гісторыя аднаго цуду» распавядзе пра людзей, якія стварылі першае нефармальнае аб’яднанне беларускай моладзі ў Мінску.
Але, перадусім, гэтая лекцыя — размова пра нашае сёньня», — зазначае Дубавец.
Падзеі, звязаныя з «Майстроўняй», адбываліся ў 1980-х гадах. Аднак сваю лекцыю Сяргей Дубавец назваў «Жыццё ў спыненым часе».
«Час спыніўся для Беларусі як краіны і нацыі. Яны рухаюцца і развіваюцца хіба што ў мікраскапічным незалежным асяродку. У цэлым жа краіна і нацыя паволі спаўзаюць кудысьці назад, ужо не ў 1990-я, а ў 1970-я гады», — кажа Сяргей Дубавец.
Які ўплыў зрабіла «Беларуская Майстроўня» на фармаванне культурнай прасторы Беларусі? Як і чаму сталася так, што мы пачалі «жыць у спыненым часе»? Што ў актуальнай сітуацыі можа стаць падмуркам, пачаткам новага этапу культурнага развіцця краіны?Гэтыя і іншыя пытанні Сяргей Дубавец плануе асвятліць падчас лекцыі.
«Майстроўня. Гісторыя аднаго цуду» — гэта сэрыя гісторый удзельнікаў першага публічнага аб’яднаньня нацыянальна сьвядомай моладзі ў 1980-х гадах у Менску.
Лекцыя пачнецца а 18.30 ў галерэі «Ў» па адрасе: Мінск, праспект Незалежнасці, 37а.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам17
Каментары