Памёр знакаміты кінасцэнарыст Эдуард Валадарскі, яго фільмы забараняліся савецкай цэнзурай

Расійскі сцэнарыст і тэатральны драматург Эдуард Валадарскі памёр у Маскве на 72-м годзе жыцця. Фільмы па яго сцэнарах забараняліся савецкай цэнзурай, хоць потым прынеслі стваральнікам дзяржаўныя ўзнагароды.

Паводле сцэнараў Валадарскага пастаўлена больш за 50 кінафільмаў і тэлесерыялаў.

Валадарскі нарадзіўся ва Украіне ў 1941 г., вучыўся на сцэнарным факультэце Усесаюзнага інстытута кінематаграфіі (ВГIК).

Першым поўнаметражным фільмам, пастаўленым па яго сцэнары, стала ваенная драма пра альпіністаў «Белы выбух» Станіслава Гаварухіна, знятая ў 1969 г.

У пачатку 1970-х Валадарскі піша сцэнар да фільма «Праверка на дарогах» Аляксея Германа.

Стужка пра цяжкую долю палонных савецкіх салдат падчас Другой сусветнай была забаронена да паказу савецкай цэнзурай і «лягла на паліцу» на 15 гадоў.

Сцэнарыст працягнуў супрацоўніцтва з Германам у працы над фільмам «Мой сябар Іван Лапшын» аб працы савецкіх міліцыянтаў у 1930-я гады. За гэтую працу яму ўручылі Дзяржаўную прэмію РСФСР імя братоў Васільевых.

Валадарскі быў аўтарам сцэнарыя да першага поўнаметражнага фільма Мікіты Міхалкова «Свой сярод чужых, чужы сярод сваіх» (1974).

У 1973 годзе ў МХАТе была пастаўлена першая п’еса Валадарскага «Даўгі нашы», якая затым ставілася больш чым ў ста тэатрах па ўсёй краіне. Усяго пяру Валадарскага належыць 11 п’ес

Ад «Штрафбата» да «Дастаеўскага»

У апошнія гады Валадарскі ў асноўным працаваў над сцэнарамі тэлесерыялаў і тэлевізійных фільмаў. Адным з самых вядомых серыялаў, пастаўленых па яго сцэнары, стаў «Штрафбат» Мікалая Досталz, які выклікаў вельмі супярэчлівыя водгукі спецыялістаў і гледачоў.

Адны хвалілі фільм за паказ суровай «акопнай праўды» пра лёс байцоў штрафных падраздзяленняў падчас Другой сусветнай вайны, у той час як іншыя крытыкавалі яго за скажэнне гістарычных рэалій і нават называлі ідэалагічнай замовай.

«Штрафбат» стаў адным з самых паспяховых праектаў тэлеканала «Расія», які значна абагнаўшы па рэйтынгах такія папулярныя серыялы, як «Брыгада» і «Ідыёт».

У 2008 годзе па сцэнары Валадарскага была знятая фантастычная стужка «Мы з будучыні» аб чатырох «чорных капальніках», якія раптам пераносяцца з нашых дзён на фронт Другой сусветнай. Незвычайная трактоўка ваеннай тэматыкі спадабалася расійскаму гледачу: фільм сабраў у пракаце больш за 8 млн долараў.

Адной з апошніх работ Валадарскага стаў сцэнар да біяграфічнага мінісерыяла Уладзіміра Хаціненка «Дастаеўскі» (2011), знятага да 190-годдзя пісьменніка.

У 2000-х гадах сцэнарыст быў узнагароджаны ордэнамі Пашаны і «За заслугі перад Айчынай» IV ступені.

• 0
• 0
• 0
• 0
• 0
• 0
• 0
• 0