У падмаскоўных Хімках улады зруйнавалі манумэнт героям СССР, якія загінулі ў вайну. Ля помніка раскапалі магілы, а рэшткі перанесьлі ў тамтэйшы морг для захаваньня на Хімкінскіх могілках.
У падмаскоўных Хімках улады зруйнавалі манумэнт героям СССР, якія загінулі ў вайну. Ля помніка раскапалі магілы, а рэшткі перанесьлі ў тамтэйшы морг для захаваньня на Хімкінскіх могілках.
У падмаскоўных Хімках зруйнаваны манумэнт Ваярам Вялікай Айчыннай вайны. Наводдаль рэжымнага аб’екта НПА імя Лавачкіна разрытыя магілы шасьці лётчыкаў — Герояў Савецкага Саюзу, зьбітых у час вайны ў гэтым месцы.
Магілы савецкіх лётчыкаў раскапалі ўраньні, як сьведчаць відавочцы, да манумэнту падагналі тэхніку і хутка раскапалі пахаваньні. Як паведамляе сеткавы рэсурс Forum.msk.ru, раскопваньне магілаў прайшло з санкцыі хімкінскае адміністрацыі, якая ўжо больш як два гады хацела зруйнаваць манумэнт ля сьценаў заводу.
Да помніка прыгналі работнікаў і тэхніку, якія раскапалі магілы, выкапалі рэшткі і перанесьлі ў тамтэйшы морг, для захаваньня на Хімкінскіх могілках. «Грамадзкасьць выступала супраць усялякіх дзеяньняў, скіраваных на перанос захаваньняў. Ведаючы гэта, адміністрацыя, не папярэдзіўшы ані раду Вэтэранаў, ані грамадзкія арганізацыі, ані дэпутатаў мясцовага савету — то бок таемна, наважылася на гэты крок», — пішуць хімкінскія камуністы.
На тое ёсьць колькі прычынаў. Паводле аднае вэрсіі, целы лётчыкаў пастанавілі перазахаваць дзеля пашырэньня Ленінградзкае шашы, што пралягае за сотню мэтраў ад магілаў. Хімкі сёньня — гэта канцэнтрацыя гандлёвых мэга‑цэнтраў: «Гранд», «Мэга», «Ікеа», «Обі», «Ашан», «Скрыжаваньне» — вось няпоўны сьпіс гіпэрмаркетаў, што займаюць гектары падмаскоўнае зямлі блізу маскоўскай акружной дарогі. Лічаць, што паводле колькасьці падаткаў на душу насельніцтва, што зьбіраюцца з гандлёвых прадпрыемстваў, Хімкі даўна перагналі Маскву.
«Натуральна, зямля ў гэтым горадзе пакрысе становіцца «залатой», — мяркуе галоўны рэдактар «ФОРУМ МСК» Анатоль Баранаў. — Але пашыраць гандлёвыя плошчы сёньня ўжо няма куды, «замінае» і прахадная заводу НПА імя Лавачкіна, дзе раней працавала, мусіць, палова Хімак, у тым ліку і мой бацька. Замінаюць і пахаваньні. Вось магілы герояў, якія не прыносяць ніякага прыбытку, і пастанавілі прыбраць з «залатой» зямлі».
Паводле іншае вэрсіі, манумэнт давялося перанесьці, бо ў непасрэднай блізкасьці ад яго ёсьць месца збору прастытутак, паведамляе «Эхо Москвы». Жрыцы каханьня, мяркуюць хімкінскія ўлады, сваёй прысутнасьцю апаганьваюць памяць герояў вайны, таму целы пагіблых пастанавілі перазахаваць.
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы18
Каментары