СБУ: Расія ў красавіку нанесла ўдар па Сумшчыне дронамі з абедненым уранам
Гаворка ідзе пра ракеты Р-60М класа «паветра — паветра».
Расія выкарыстала для атакі на Сумскую вобласць Украіны ў красавіку 2026 года боепрыпасы з абедненым уранам, паведаміла Служба бяспекі Украіны.
Гаворка ідзе пра ракеты Р-60М класа «паветра — паветра», якія Расія выкарыстоўвае ў якасці баявой часткі для сваіх беспілотнікаў.
«Падчас працы следча-аператыўнай групы і спецыялістаў Дзяржаўнай службы Украіны па надзвычайных сітуацыях (ДСНС) на месцах варожых удараў узровень гама-выпраменьвання ад абломкаў расійскіх дронаў з ракетамі склаў 8,3 і 10,5 мкЗв/г. Гэтыя паказчыкі значна перавышаюць натуральны радыяцыйны фон і ўяўляюць непасрэдную пагрозу для здароўя чалавека.
Паводле вынікаў экспертызы, ініцыяванай Службай бяспекі, устаноўлена, што баявая частка расійскіх ракет утрымлівае паражальныя элементы з абедненага ўрану агульнай масай 2810 грамаў. Рэчыва ідэнтыфікавана як уран-234, уран-235 і ўран-238», — паведамляе СБУ.
Раней СБУ ўжо заяўляла пра выкарыстанне Расіяй боепрыпасаў з абедненым уранам у Чарнігаўскай вобласці.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары