Сёння ўночы невядомымі пашкоджана машына кіраўнічкі Камітэта дапамогі рэпрэсаваным «Салідарнасць» Іны Кулей. У машыны прабітыя два колы, на кузаве зроблены фарбай надпіс «Дзякуй за адукацыю».
Сёння ўночы невядомымі пашкоджана машына кіраўнічкі Камітэта дапамогі рэпрэсаваным «Салідарнасць» Іны Кулей. У машыны прабітыя два колы, на кузаве зроблены фарбай надпіс «Дзякуй за адукацыю».
Іна Кулей пераканана, што напад на машыну звязаны з рэалізацыяй адукацыйнай праграмы імя Кастуся Каліноўскага, якую падтрымлівае ўрад Польшчы. Праграма дае магчымасць студэнтам, рэпрэсаваным беларускімі ўладамі, працягнуць навучанне ва універсітэтах суседняй краіны.
— Нэрвовая і падлаватая рэакцыя ўлады сведчыць выключна пра паспяховасць праграмы, якая разбурае страх у моладзі — сказала Іна Кулей.
Нагадаем, што 25 сакавіка бягучага году ізноў жа «невядомымі» кіслатой быў пашкоджаны аўтамабіль Аляксандра Мілінкевіча. Яшчэ раней, у лістападзе мінулага году, падчас сустрэчы з актывістамі горада Ліда, «невядомыя» распісалі аўтамабіль лідэра дэмакратычных сіл чырвона‑зялёнай фарбай.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае23
Каментары