Турнір адбыўся ў Мінску 17 лістапада.
17 лістапада ў Мінску прайшоў ХIХ Міжнародны турнір па грэка-рымскай барацьбе памяці алімпійскага чэмпіёна Алега Караваева. Наймацнейшай у гэтых камандных спаборніцтвах стала зборная Расіі, якая перамагла ў фінале каманду Азербайджана.
Беларускія барцы ва ўпартай барацьбе з украінскімі атлетамі заваявалі бронзавыя ўзнагароды турніру.
У гэтым турніры ўпершыню маглі браць удзел барцы, не старэйшыя за 23 гады. Новаўвядзенне мае стаць штуршком для прыходу моладзі ў каманду Беларусі,магчымасцю параўнаць узровень маладых барцоў у розных краінах.
У спаборніцтвах узялі ўдзел восем зборных - Азербайджана, Казахстана, Літвы, Расіі, Украіны, Польшчы і дзве каманды Беларусі.Алег Караваеў стаў першым беларускім алімпійскім чэмпіёнам па грэка-рымскай барацьбе, якая раней называлася класічнай. У 1960 годзе ў Рыме на ХVII летніх Алімпійскіх гульнях ён атрымаў перамогу ў вагавой катэгорыі да 57 кг.
Каментары