У Віцебску вынеслі прысуд праваслаўнаму святару, які насмерць збіў машынай дзіця
У Віцебску вынеслі прысуд па трагічнай аварыі, якая адбылася ў студзені 2025 года на віцебскім праспекце Чарняхоўскага, піша тэлеграм-канал «Витебск, я гуляю!»
За рулём аўтамабіля, які збіў 9-гадовага школьніка, знаходзіўся праваслаўны святар. Ён імчаўся на чужым мікрааўтобусе Mercedes-Benz Sprinter з хуткасцю 94 км/г, праігнараваў чырвонае святло і не спыніўся перад пераходам, па якім на зялёнае святло ішло дзіця. Хлопчык ад прычыненых траўмаў памёр у бальніцы.
Суд прызнаў мужчыну вінаватым у парушэнні ПДР, што пацягнула па неасцярожнасці смерць чалавека, і прысудзіў яго да 4 гадоў і 6 месяцаў пазбаўлення волі. Таксама адказнасць ускладзеная на ўладальніка аўтамабіля — ён абавязаны выплаціць бацькам загінулага кампенсацыю па 100 тысяч рублёў кожнаму.
Пры гэтым, як высветліў суд, святар аказаўся сапраўдным дарожным рэцыдывістам: раней ён ужо прыцягваўся да адміністрацыйнай і крымінальнай адказнасці за парушэнні ПДР і тройчы (!) пазбаўляўся правоў.
Неўзабаве «Витебск, я гуляю!» здолеў высветліць імя гэтага святара. Гэта клірык храма Матроны Маскоўскай у віцебскім мікрараёне Білева, іерэй Дзмітрый Фёдараў. Ён бацька чатырох дзяцей, а прапагандысцкая «Беларусь сегодня» рабіла пазітыўны рэпартаж пра сям'ю Фёдаравых у 2022 годзе.
Пасля той аварыі следчы і супрацоўнік ДАІ праводзілі лікбез сярод клірыкаў Віцебскай дыяцэзіі адносна паводзін на дарозе.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары
Ды якій небудзь афэлак, накшталт Азьвяронка хіба в дупу парваў крычэўшы.
Самае незразумелаея, гэта зпагнаньне 200К з уладальніка Mercedesa. То бок, барадаты [Рэд. выдалена] не будзе кампенсаваць маральныя страты бацькам, а нейкі выпадковы чалавек зараз будзе карачыцца гадамі, за гэтага служку дз’ябла.
“Страна для жызні”, нічога не дадаць.
[Зрэдагавана]