У пачатку красавіка беларускі Парк высокіх тэхналогій наведала дэлегацыя Ландтага Баварыі на чале з членам камітэта па навуцы і мастацтве Ульрыхам Зінгерам, які з’яўляецца прадстаўніком правапапулісцкай партыі «Альтэрнатыва для Германіі», паведамляе ПВТ.
У Парку адзначылі, што «дэпутаты зямельнага парламента азнаёміліся з гісторыяй развіцця беларускай IT-галіны, унёскам кампаній ПВТ у эканоміку краіны, а таксама з найбольш вядомымі лічбавымі рашэннямі, распрацаванымі ў Беларусі і вядомымі ў свеце».
«Госці Парку пацвердзілі зацікаўленасць у развіцці супрацоўніцтва з Беларуссю», — гаворыцца ў паведамленні.
Гэта не першы выпадак, калі дэпутаты АдГ праяўляюць цікавасць да Беларусі. У жніўні мінулага года прэзідыум парламента зямлі Саксонія ў Германіі наклаў штраф на дэпутата ад АдГ Ёрга Дорнау за яго бізнэс у Беларусі — кампанію ТАА «Цыбулька-БЕЛ». У верасні 2024 года беларускія СМІ паведамлялі, што на цыбульнай плантацыі Дорнау працавалі, у тым ліку, беларусы, асуджаныя паводле палітычных артыкулаў, дадае DW-Bielarus.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім8
Каментары