Іна Кулей, кіраўніца Камітэту дапамогі рэпрэсаваным «Салідарнасць», зьвярнулася з заявай у пракуратуру Менску.
Іна Кулей — кіраўнік камітэта дапамогі рэпрэсаваным «Салідарнасць» і жонка старшыні Палітсавета аб’яднаных дэмакратычных сіл Аляксандра Мілінкевіча — звярнулася з заявай у пракуратуру Мінска. Як паведамляе прэс‑служба А.Мілінкевіча, І.Кулей просіць распачаць крымінальную справу па факце размяшчэння на сайце intimby.net у раздзеле «знаёмства» анкеты аб прадастаўленні платных інтымных паслуг з яе кантактнай інфармацыяй.
«З моманту размяшчэння дадзенай аб’явы мне неаднаразова тэлефанавалі на мабільны тэлефон з прапановамі інтымнага характару. Вельмі часта тэлефанаванні насілі абразлівы характар. Размяшчэнне дадзенай аб’явы з пазначэннем майго мабільнага тэлефона носіць наўмысны характар і накіраванае на абразу мяне і паклёп», — гаворыцца ў заяве.
Іна Кулей таксама лічыць, што такая інфармацыя скіравана на дыскрэдытацыю яе як грамадскага дзеяча і жонкі лідэра дэмакратычных сіл.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары