У Беларусі — бум на рэп. Раней рэпэраў трэба было ўгаворваць, каб яны засьпявалі на роднай мове, а цяпер фармуюцца суполкі прыхільнікаў гэтага кірунку.
Беларускамоўныя прыхільнікі рэп‑музыкі займелі інтэрнэт‑партал. На старонцы repka.pananieba.org абмяркоўваецца ідэя амэрыканскага прадусара забараніць рэпэрам брыдкасловіць, рэпэр Кроў тлумачыць, за што не паважае рэпэра Памідорава, а стваральнікі рэсурсу, якія называюць сябе Хвядот і Сьведак, не шкадуючы выразаў, чыхвосьцяць айчынных расейскамоўных рэпэраў. «Немагчыма нідзе выказацца напоўніцу так, як у рэп‑творы. Словам можна забіць, дык чаму не скарыстаць гэтую зброю?» — разважае Хвядот, удзельнік гурту «PANaNieba».
У Беларусі — бум на рэп. Раней рэпэраў трэба было ўгаворваць, каб яны засьпявалі на роднай мове, а цяпер фармуюцца суполкі прыхільнікаў гэтага кірунку. Зьяўляюцца і запамінальныя творы — «Не!» ад «Партызанскай школы», «Вечна жывая» Вожыка і «Непераможныя» ад «Чырвоным па белым». На апошні трэк стваральнік «Мультклюбу» Алег Мініч днямі намаляваў кліп. «Беларускі рэп яшчэ не сапсаваны грашыма, у адрозьненьне ад амэрыканскага, таму нашы рэпэры не пяюць пра тое, на якой машыне яны ўчора езьдзілі. Іх цікавяць праблемныя моманты», — мяркуе Сьведак.
Хлопцы называюць стварэньне беларускамоўнага парталу пра гіп‑гоп першым крокам да фармаваньня кааліцыі — музычнай ды ідэйнай. «І няхай нехта кажа, што няма сэнсу ў існаваньні такой рэчы, як беларускі гіп‑гоп, мы ўсё адно будзем займацца сваёй справай. Добра казаў Кастусь Каліноўскі: «Ня трэба тысячы, каб пачаць, ня трэба двух, каб пачаць, і ня трэба аднаго, каб пачаць».
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў56
Каментары