24 траўня ў Жлобіне на тэрыторыі складоў мясцовага прадпрыемства “Аграгандаль” знайшлі цела сябра Партыі БНФ Аркадзя Ліскаўца. У яго быў моцна пабіты твар і праламаны чэрап.
24 траўня ў Жлобіне на тэрыторыі складоў мясцовага прадпрыемства «Аграгандаль» знайшлі цела сябра Партыі БНФ Аркадзя Ліскаўца. У яго быў моцна пабіты твар і праламаны чэрап.
Спадару Ліскаўцу ў студзені гэтага году споўнілася 53 гады. Ён быў жанаты, выгадаваў з жонкаю Людмілай дваіх дзяцей, цешыўся з унука.
Як спэцыяліст з унівэрсытэцкай адукацыяй, Аркадзь Ліскавец да нядаўняга часу працаваў у «Аграгандлі» эканамістам.
Крыху больш за тыдзень таму дырэкцыя гандлёвага прадпрыемства перавяла спадара Ліскаўца ў вартаўнікі.
На месца здарэньня прыяжджала жлобінская міліцыя. Паводле расповеду таварышаў на службе і сваякоў актывіста БНФ, сьледчы спрабаваў схіліць усіх да думкі, што спадар Ліскавец нібыта ўпаў і забіўся.
Аднак тыя, хто бачыў траўмы, у самазабойства ня вераць. Схіляюцца да таго, што склады, хутчэй за ўсё, наведалі рабаўнікі й Ліскавец стаў на іхным шляху.
Сёньня Аркадзя Ліскаўца пахавалі на могілках ў Рэчыцы.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары