БМА рыхтуе да выданьня
Беларуская Музычная Альтэрнатыва падзялілася плянамі на наступны год. У лютым БМА плянуе выдаць альбом “На Неба” пераможцы Рок-каранацыі-2000 у намінацыі “Адкрыцьцё году” — гурту «Безь Білета». 13 лютага ў клюбе “Акварыюм” адбудзецца прэзэнтацыя альбому “MORE каханьня”, прымеркаванага да Дня ўсіх закаханых – ён будзе зьмяшчаць найлепшыя “песьні пра каханьне” NRM, «Безь Білета», «Крамы», «Новага Неба», «Нэйрадзюбелю», Kriwi, «Палацу», «Белага Сну» і Existu. І быццам бы да кожнай касэты будзе прыкладзены прэзэрватыў. Таксама ў лютым БМА плянуе прэзэнтаваць першы нумар “самага чэснага беларускага музычнага часопісу” POST’R. Увесну ж пры ўдзеле БМА будуць выдадзеныя альбомы Сержука Сокалава-Воюша, Віктара Шалкевіча, кампакт-дыск “Легенды Вялікага Княства” з музыкай старажытнай беларускай дзяржавы і трэці альбом з сэрыі “Вольныя Танцы”.
Андрусь Белавокі
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары